ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ଅଂଚଳର ଜଣେ ପ୍ରତିଷ୍ଠିତ ବ୍ୟକ୍ତି ନନ୍ଦଲାଲ ତ୍ରିବେଦୀ (୯୫)ଙ୍କ ବର୍ଷ ବୟସରେ ପରଲୋକ ହୋଇଯାଇଛି । ସେ ବାର୍ଦ୍ଧକ୍ୟ ଜନିତ ଅସୁସ୍ଥତା କାରଣରୁ ବରଗଡ଼ ସ୍ଥିତ ଘରୋଇ ହସ୍ପିଟାଲ ବିକାଶରେ ଚିକିତ୍ସିତ ହେଉଥିଲେ । ଆଜି ବରଗଡରୁ ଭେଣ୍ଟିଲେଟର ଲଗାଇ ପାଇକମାଲ ନିଜ ବାସଭବନକୁ ଅଣାଯାଇଥିଲା । ସନ୍ଧ୍ୟା ୬ଟା ସମୟରେ ସେ ଶେଷ ନିଃଶ୍ୱାସ ତ୍ୟାଗ କରିଥିବାରୁ ପାଇକମାଲ ସହର ସମେତ ଅଞ୍ଚଳରେ ଶୋକର ଛାୟା ଖେଳିଯାଇଛି । ସ୍ୱର୍ଗତ ତ୍ରିବେଦୀ ସାନ ମହାରାଜା ଭାବରେ ବେଶ ସୁନାମ ଅର୍ଜନ କରିଥିଲେ । ସେ ପରୋପକାରୀ, ମେଳାପି, ଗନ୍ଧମାର୍ଦ୍ଦନ ବଞ୍ଚାଓ ଆନ୍ଦୋଳନ, ଚାଷୀ ଆନ୍ଦୋଳନ, ସହରର ବିଭିନ୍ନ ଉନ୍ନୟନମୂଳକ କାର୍ଯ୍ୟ, ସମସ୍ୟା ସୁଧାର ନେଇ ସବୁସମୟରେ ଜଡ଼ିତ ରହି ସାମାଜିକ କାମ କରୁଥିଲେ । ତାଙ୍କର ପରଲୋକରେ ପାଇକମାଲ ଅଞ୍ଚଳରେ ଅପୁରଣୀୟ କ୍ଷତି ଘଟିଛି । ମୃତ୍ୟୁ ବେଳକୁ ପୁଅବୋହୁ, ନାତିନାତୁଣୀ ପରିବାର ବର୍ଗ ଉପସ୍ଥିତ ଥିଲେ । ଗୁରୁବାର ତାଙ୍କର ଅନ୍ତିମ ସଂସ୍କାର କରାଯିବ ବୋଲି ତାଙ୍କ ଏକମାତ୍ର ପୁଅ ରାଜକୁମାର ତ୍ରିବେଦୀ ଜଣାଇଛନ୍ତି ।