ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ସଦର ପଞ୍ଚାୟତ ସାଲେପଡ଼ା ଗ୍ରାମର ତଥା ଦିଲ୍ଲୀ ବିଶ୍ୱ ବିଦ୍ୟାଳୟରେ ପ୍ରଫେସର ଥିବା ଡ. ସୀତାରାମ କୁମ୍ଭାରଙ୍କ ପିତା କବିବର କୁମ୍ଭାରଙ୍କ ଶୁକ୍ରବାର ପରଲୋକ ହୋଇଯାଇଛି । ସେ ୧୯୪୯ମସିହାରେ ଜନ୍ମ ଗ୍ରହଣ କରିଥିବା ବେଳେ ମୃତ୍ୟୁ ବେଳକୁ ତାଙ୍କୁ ୭୫ବର୍ଷ ବୟସ ହେଉଥିଲା । ମୃତ୍ୟୁ ଶଯ୍ୟା ନିକଟରେ ପୁଅ ଗଣପତି, ସଞ୍ଜୀବ,ଡ. ସୀତାରାମ, ତପନ ଓ ପ୍ରମୋଦ କୁମ୍ଭାରଙ୍କ ସହ ୩ଝିଅ, ବୋହୂ, ୬ଜଣ ନାତି, ୪ଜଣ ନାତୁଣୀଙ୍କ ସହ ସମସ୍ତ ପରିବାର ଆତ୍ମୀୟସ୍ୱଜନ ଓ ଗ୍ରାମବାସୀ ଉପସ୍ଥିତ ଥିଲେ । ଶ୍ରୀ କୁମ୍ଭାର କୋ-ଅପରେଟିଭ ସୋସାଇଟି ସଭାପତି ଓ ଲକ୍ଷେ ଘର ଗଣ୍ଡା ସମାଜର ବରିଷ୍ଠ କର୍ମକର୍ତା ସହ ବିଭିନ୍ନ ସାମାଜିକ ଅନୁଷ୍ଠାନ ସହ ଜଡ଼ିତ ଥିଲେ । ସେ ଜଣେ ସମାଜସେବୀ ଭାବରେ ନିଜ ଜାତି ସମାଜ ଓ ଅଞ୍ଚଳର ଉନ୍ନତି ପାଇଁ ସବୁବେଳେ ପ୍ରୟାସ କରୁଥିଲେ । ତାଙ୍କ ଅକାଳ ବିୟୋଗରେ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି । ଗାଆଁ ମଶାଣୀରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା । ପୁଅ ଗଣପତି ମୁଖାଗ୍ନୀ ଦେଇଥିଲେ ।