ଆନନ୍ଦପୁର : ଆନନ୍ଦପୁର ଉପଖଣ୍ଡ ଘଷିପୁରା ଗାଁରେ ଘଟିଛି ଅଘଟଣ । ଦୁଇ ମହଲା ଛାତ ଉପରେ ପାଣିଟାଙ୍କି ବସାଉଥିବା ସମୟରେ ହଠାତ୍ ପାରାପିଟ୍ ଭାଙ୍ଗି ପଡିବାରୁ ୨ ସମ୍ପକୀୟ ଭାଇ ଛାତରୁ ତଳକୁ ଖାସିପଡିଲେ । ୨ ଜଣଙ୍କୁ ଗୁରୁତର ଆହତ ହୋଇଛନ୍ତି । ଗୁରୁତର ଉପେନ୍ଦ୍ର ସାହୁ ଓ ବୃନ୍ଦାବନ ସାହୁଙ୍କୁ ଉଦ୍ଧାର କରାଯାଇ ପ୍ରଥମେ ଆନନ୍ଦପୁର ଡାକ୍ତରଖାନା ଓ ପରେ କଟକ ସ୍ଥାନାନ୍ତର କରାଯାଏଥିବା ସୂଚନା ମିଳିଛି ।
ସୂଚନା ମୁତାବକ, ଆଜି ସକାଳ ୯ଟା ସମୟରେ ଉପେନ୍ଦ୍ରଙ୍କ ବାପା ବୈରାଗୀ ସାହୁ ଓ ସମ୍ପକୀୟ ପୁତୁରା ବୃନ୍ଦାବନ ସହ ମିଶ ନିଜଘର ଛାତରେ ପାଣିଟାଙ୍କି ବସାଉଥିଲେ । ଠିକ୍ ଏହି ସମୟରେ ଛାତର ପାରାପିଟ୍ ଭାଙ୍ଗିଯାଇଥିଲେ । ଉପରେ କାମ କରୁଥିବା ୨ ଜଣ ତଳକୁ ଖସିପଡିଥିଲେ । ଏହା ପରେ ପାରାପିଟ୍ ତଳୁ ଉଭୟଙ୍କୁ ଗୁରୁତର ଆହତ ଅବସ୍ଥାରେ ଉଦ୍ଧାର କରାଯାଇଥିଲା । ପ୍ରଥମେ ଆନନ୍ଦପୁର ଡାକ୍ତରଖାନା ପରେ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।