- ନାଟକ କରୁଥିବା ଲୋକ ସ୍ୱର୍ଗୀୟ ସୁଖ ପ୍ରାପ୍ତ କରେ : ରାଜକୁମାର ସାହୁ
ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ଢୋଲବନ୍ଧ ଗ୍ରାମରେ ସଚେତନ ହେମା ଅନୁଷ୍ଠାନ ଦ୍ୱାରା ବିଶ୍ୱ ନାଟ୍ୟ ଦିବସ ମହାସମାରୋହ ପାଳିତ ହୋଇଯାଇଛି । ଏହି ଅବସରର ଗୁରୁ ଆନନ୍ଦ ବାଗ ମୁଖ୍ୟ ଅତିଥି, ନାଟ୍ୟକାର ରାଜକୁମାର ସାହୁ ମୁଖ୍ୟ ବକ୍ତା, ଲାଲ ସାହେବ ସାହୁ ଅତିଥି, ଘନଶ୍ୟାମ ଭୋଇ ଅତିଥି ଭାବରେ ଯୋଗଦେଇଥିଲେ । ନାଟ୍ୟକାର ରାଜକୁମାର ସାହୁ କେଶରଞ୍ଜନ ପ୍ରଧାନଙ୍କ ଅନୁସୃଜିତ ବାର୍ତ୍ତା ପଢିବା ସହ ନିଜେ ବିଶ୍ୱବାସୀଙ୍କୁ ବାର୍ତ୍ତା ଦେଇ ନାଟକ କରିବା ଦ୍ୱାରା ସ୍ୱର୍ଗୀୟ ସୁଖ ପ୍ରାପ୍ତ ହୁଏ ଓ ଦେଖିବା ଲୋକ ଅମୃତ ପାନ କରେ ବୋଲି ଉଦ୍ବୋଧନ ଦେଇଥିଲେ । କାର୍ତିକ ମହାନନ୍ଦ ଓ ସ୍ୱପ୍ନେଶ୍ଵରୀ ସାହୁଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଘନଶ୍ୟାମ ଭୋଇ ରାମ ବନବାସ ଅଂଶକୁ ଅଭିନୟ କରି ପ୍ରଂଶସିତ ହୋଇଥିଲେ । କାର୍ଯ୍ୟକ୍ରମକୁ କାର୍ଯ୍ୟକାରୀ ସମ୍ପାଦକ ମହେନ୍ଦ୍ର ସାହୁ, ମାନସୀ ସାହୁ, ଆରାଧ୍ୟ ସାହୁ, ଆଲିଶା ସାହୁ, ଚାନ୍ଦିନୀ ସାହୁ ସହଯୋଗ କରିଥିଲେ ।