ମ.ରାମପୁର (ପି.କେ. ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ସରକାରୀ ପ୍ରାଥମିକ ବିଦ୍ୟାଳୟ, ମଦନପୁର ଠାରେ ୧୮ତମ ଶତବାର୍ଷିକ ସ୍ମାରକୀ ଉତ୍ସବ ୨୦୨୪ ମହାସମାରୋହରେ ପାଳିତ ହୋଇଯାଇଛି । ଏଥିରେ ମୁଖ୍ୟ ଅତିଥି ରୂପେ ବ୍ଲକ ଶିକ୍ଷା ଅଧିକାରୀ ତପିମଣି ଯାନୀ, ସମ୍ମାନିତ ଅତିଥି ଭାବେ ସହ ଶିକ୍ଷା ଅଧିକାରୀ ଜସ୍ମୀନ ନିଆଲ ଓ ଗୋବର୍ଦ୍ଧନ ମାଝି, ସ୍ଥାନୀୟ ସରପଞ୍ଚ କେତକୀ ଦଣ୍ଡିଆ, ସି.ଆର୍.ସି.ସି. ଥବିର ପଧାନ, ସ୍କୁଲ ସଭାପତି ଯୁଧିଷ୍ଠିର ସିଂହ ଓ ମୁଖ୍ୟବକ୍ତା ଭାବେ ଶିକ୍ଷାବିତ୍ ସହଦେବ ପାଢ଼ୀ ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିବା ସହିତ ସଙ୍ଗୀତରେ ରାଜ୍ୟ ସ୍ତରୀୟ ସୁରଭିକୁ ଯାଇଥିବା ଛାତ୍ରୀ ରୁକୁଣୀ ବେହେରା ଓ ପୂର୍ବତନ ଶିକ୍ଷକ ରମେଶ ସାହୁଙ୍କୁ ଉପଢୌକନ ଓ ମାନପତ୍ର ପ୍ରଦାନ କରିଥିଲେ । ପ୍ରଧାନ ଶିକ୍ଷୟିତ୍ରୀ ମମତା ସୁନା ବାର୍ଷିକୀ ବିବରଣୀ ପଠନ କରିଥବା ବେଳେ ଶିକ୍ଷକ ସୁବୋଧ ଛଟ୍ରିଆ ମଞ୍ଚ ପରିଚାଳନା ଓ ଧନ୍ୟବାଦ ଅର୍ପଣ ରମାକାନ୍ତ ସେନାପତି କରିଥିଲେ । ସହକାରୀ ଶିକ୍ଷୟିତ୍ରୀ ପ୍ରିୟତମା ସାହୁ, ସନନ୍ତ ଛତ୍ରିଆଙ୍କ ସମେତ ବିଦ୍ୟାଳୟ ପରିଚାଳନା କମିଟିର ସମସ୍ତ ସଦସ୍ୟ ସହଯୋଗ କରିଥିଲେ ।