ଆଗଲପୁର, (ସୁଶିଳ କୁମାର ମିଶ୍ର) : ଆଗଲପୁର ବ୍ଲକ ଭାରସୂଜା ସ୍ଥିତ ଛେଲିଆପାଟ ନୋଡାଲ ହାଇସ୍କୁଲରେ ବିଶ୍ଵ ପରିବେଶ ଦିବସ ପାଳିତ ହୋଇଯାଇଛି । ଏହି ଅବସରରେ ଇକୋକ୍ଲବ୍ ଭାରପ୍ରାପ୍ତ ଶିକ୍ଷକ ଆନନ୍ଦ କୁମାର ସାହୁଙ୍କ ଅଧ୍ୟକ୍ଷତାରେ ଇକୋ କ୍ଲବ୍ ଛାତ୍ରଛାତ୍ରୀଙ୍କର ଚିତ୍ରାଙ୍କନ ଓ ସ୍ଲୋଗାନ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଚିତ୍ରାଙ୍କନ ପ୍ରତିଯୋଗିତାରେ ରୋସନ ସାହୁ ( ନବମ ଶ୍ରେଣୀ) ପ୍ରଥମ, ସୁମୁଖି ସାହୁ (ଦଶମ) ଦ୍ୱିତୀୟ ଏବଂ ଯୋଗେଶ୍ୱର ସାହୁ(ନବମ) ଓ ପୂଜା ସାହୁ (ଦଶମ) ଯୁଗ୍ମ ଭାବେ ତୃତୀୟ ବିବେଚିତ ହୋଇଥିବା ବେଳେ ସ୍ଲୋଗାନ ଲିଖନ ପ୍ରତିଯୋଗିତାରେ ରିତିକା ତ୍ରିପାଠୀ (ନବମ) ପ୍ରଥମ, ଲଳିତ ନାୟକ (ନବମ) ଦ୍ୱିତୀୟ ଓ ସଂଯୁକ୍ତା ସାହୁ (ନବମ) ତୃତୀୟ ବିବେଚିତ ହୋଇ ପୁରସ୍କୃତ ହୋଇଥିଲେ । ଏହି ଅବସରରେ ବିଦ୍ୟାଳୟ ବଗିଚାରେ ସମବେତ ଛାତ୍ରଛାତ୍ରୀ ଓ ଶିକ୍ଷକଙ୍କ ଦ୍ଵାରା ଡାଳିମ୍ବ ଚାରା ରୋପଣ କରାଯାଇଥିଲା । ଶିକ୍ଷକ ମୁକେଶ ଚୌହାନ, ଦିଲ୍ଲୀପ ଡ଼ାଙ୍ଗ, ବିଦ୍ୟାପତି ମିଶ୍ର, ସୁରେଶ ତାଣ୍ଡି ଓ ଦୁର୍ଯ୍ୟୋଧନ ପୁଟେଲ ପରିବେଶ ସୁରକ୍ଷା ସମ୍ବନ୍ଧରେ ନିଜ ନିଜର ବକ୍ତବ୍ୟ ରଖିଥିଲେ । ସିଆରସିସି ରମେଶ ତ୍ରିପାଠୀ ସ୍ଵାଗତ ଭାଷଣ ଦେଇଥିବା ବେଳେ ଶିକ୍ଷକ ଦିଗାମ୍ବର ସାହୁ ଧନ୍ୟବାଦ ଅର୍ପଣ କରିଥିଲେ ।