ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ଲାଲଟିକ୍ରା ସ୍ଥିତ ସୁପ୍ରିମଟାକ୍ସ ନର୍ସିଂ କଲେଜଠାରେ ଆନ୍ତର୍ଜାତୀୟ ନର୍ସିଂ ଦିବସ ପାଳିତ ହୋଇଯାଇଛି । ଅନୁଷ୍ଠାନର ଅଧ୍ୟକ୍ଷା ଲକ୍ଷ୍ମୀ ମେହେର ସଭାପତିତ୍ୱ କରିଥିଲେ । ଅତିରିକ୍ତ ନିର୍ଦ୍ଦେଶକ ପ୍ରବୀଣ ନାଗ ସ୍ୱାଗତ ଭାଷଣ ଦେଇଥିଲେ । ରାଷ୍ଟ୍ରୀୟ ନିର୍ଦ୍ଦେଶକ ଅଜିତ ପାଲ ମୁଖ୍ୟ ଅତିଥି ଭାବେ ଯୋଗ ଦେଇ ନର୍ସିଂ ସେବା ସମୟୋପଯୋଗୀ ସେବା ଉପରେ ଗୁରୁତ୍ୱାରୋପ କରି ନିଷ୍ଠାପର ସେବା କରିବାକୁ ଛାତ୍ରଛାତ୍ରୀଙ୍କୁ ଆହ୍ୱାନ କରିଥିଲେ । ବିତ୍ତନିର୍ଦ୍ଦେଶିକା ବିଭୁପ୍ରିୟା ବାଗ ଆମାରି ନର୍ସ ଆମର ଭବିଷ୍ୟତ ସମ୍ପର୍କରେ ବାର୍ତ୍ତା ପ୍ରଦାନ କରିଥିଲେ । ଉପଦେଷ୍ଟା ଡା. ସିଦ୍ଧେଶ୍ୱର ମିଶ୍ର, ସୁପରିଟେଣ୍ଡେ ସିମନ ପାଳ, ପ୍ରଶାସନିକ ଅଧିକାରୀ ପ୍ରୀତମ ବାଗ ମଞ୍ଚାସୀନ ଥିଲେ । ସି.ରୁହାମା, ସ୍ୱାତିପ୍ରିୟା ଦାଶ ପ୍ରମୁଖ ଅଧ୍ୟାପିକା ସହଯୋଗ କରିଥିଲେ । ପରିଶେଷରେ ପରିଚାଳକ ସତ୍ୟ ସୁନ୍ଦର ଦୀପ ଧନ୍ୟବାଦ ଅର୍ପଣ କରିଥିଲେ ।