ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଆଜି ସର୍ବଭାରତୀୟ ପୌରପରିଷଦର ସ୍ୱାୟତ୍ତ ଶାସନ ଦିବସ ପାଳନ ଅବସରରେ ଆମର ବଲାଙ୍ଗିର ପୌରପରିଷଦ ତରଫରୁ ମଧ୍ୟ ଅଗଷ୍ଟ ୩୧ସ୍ୱାୟତ୍ତ ଶାସନ ଦିବସ ପାଳିତ ହୋଇଯାଇଛି । ଏହି ପରିପ୍ରେକ୍ଷୀରେ ସକାଳୁ ସକାଳୁ ପୌରପରିଷଦଠାରେ ପୌରାଧ୍ୟକ୍ଷା ଲିକା ସାହୁଙ୍କ ନେତୃତ୍ୱରେ ସମସ୍ତ କାଉନସିଲର ସମସ୍ତ କର୍ମଚାରୀଙ୍କ ସହିତ ପୌର ନିର୍ବାହୀ ଅଧିକାରୀ ସନ୍ତୋଷ ବେହେରାଙ୍କ ଉପସ୍ଥିତିରେ ପୌରାଧ୍ୟକ୍ଷା ଜାତୀୟ ପତାକା ଉତ୍ତୋଳନ କରି କର୍ମଚାରୀ ଓ କାଉନସିଲର ମାନଙ୍କ ଉଦ୍ଦେଶ୍ୟରେ ସ୍ୱାୟତ୍ତ ଶାସନ ଦିବସର ଗୁରୁତ୍ୱ ବିଷୟରେ ସମ୍ଭାଷଣ ରଖିଥିଲେ । ଏହା ପରେ ପରେ ସହରରେ ଅବସ୍ଥିତ ସମସ୍ତ ମହାପୁରୁଷମାନଙ୍କ ପ୍ରତିମୁର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇ ଦିନ ୧୧ ଘଣ୍ଟା ସମୟରେ ଆମର ବଲାଙ୍ଗିରର ବରିଷ୍ଠ ନାଗରିକ ବରିଷ୍ଠ କଳାକାର ତଥା ପୌରାଞ୍ଚଳ ଅନ୍ତର୍ଗତ ସମସ୍ତ ସ୍ୱୟଂ ସହାୟକ ଗୋଷ୍ଟି ତଥା ସମସ୍ତ ସ୍ୱେଚ୍ଛାସେବୀ ଅନୁଷ୍ଠାନ ତଥା ଅନେକ ଧର୍ମାନୁଷ୍ଠାନର ବ୍ୟକ୍ତିବିଶେଷଙ୍କୁ ନେଇ ବଲାଙ୍ଗିର ଭୀମଭୋଇ ମେଡିକାଲ କଲେଜ ଓଡିଟୋରିୟମ ଠାରେ ଏକ ସରକାରୀ ସାଧାରଣସଭା ଅନୁଷ୍ଠିତ ହୋଇଥିବା ବେଳେ ଏହି ସଭାରେ ମୁଖ୍ୟ ଅତିଥି ଭାବରେ ବଲାଙ୍ଗିର ବିଧାୟକ କଳିକେଶ ନାରାୟଣ ସିଂହଦେଓ ସମ୍ମାନିତ ଅତିଥି ଭାବରେ ନିଯୁକ୍ତ ଜିଲ୍ଲାପାଳ ପବିତ୍ର ବେହେରା ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ତରଣୀସେନ ସୁନା ଉପାଧ୍ୟକ୍ଷା ଗାୟତ୍ରୀ ଭୋଇ ଆସନ ଅଳଙ୍କୃତ କରିଥିବାବେଳେ ମଞ୍ଚରେ ସଭାପତିତ୍ୱ କରିଥିଲେ ପୌରାଧ୍ୟକ୍ଷା ଲିକା ସାହୁ ଅତିଥି ସ୍ୱାଗତ କରିଥିଲେ କାର୍ଯ୍ୟ ନିର୍ବାହୀ ଅଧିକାରୀ ସନ୍ତୋଷ ବେହେରା ମଞ୍ଚ ପରିଚାଳନା କରିଥିଲେ ବିଜୟ ତ୍ରିପାଠୀ । ଏହି ସଭାରେ ସ୍ୱାଗତ ଭାଷଣ ଦେଇ ପୌର ନିର୍ବାହୀ ଅଧିକାରୀ ମୁଁ ବଲାଙ୍ଗିର ମୁନସିପାଲିଟି କହୁଛି କହି ଜନସାଧାରଣଙ୍କୁ ଏକ ସଚେତନତା ବାର୍ତ୍ତା ଦେଇଥିବା ବେଳେ ସଭାପତିତ୍ୱ ଭାଷଣରେ ପୌରାଧ୍ୟକ୍ଷା ଲିକା ସାହୁ କହିଲେ ବିଗତ ତିନି ବର୍ଷ ପୁର୍ତ୍ତି ଅବସରରେ ବଲାଙ୍ଗିର ପୌରପରିଷଦ ବଲାଙ୍ଗିର ସହରରେ ୯୭ କିଲୋମିଟର ରାସ୍ତା ସହିତ ୪୮ କିଲୋମିଟର ଡ୍ରେନେଜ ବ୍ୟବସ୍ଥା କରିଥିବାବେଳେ ଆଗକୁ ଆହୁରି ପଦକ୍ଷେପ ନେବାର ବାକି ରହିଛି । ସେହିଭଲି ବଲାଙ୍ଗିରକୁ ଗ୍ରୀନ ବଲାଙ୍ଗିର ତଥା ସୌନ୍ଦର୍ଯ୍ୟକରଣ କରିବା ପାଇଁ ୧୫ ରୁ ଅଧିକ ପାର୍କ ସମେତ ପାଞ୍ଚ ଗୋଟି କଲ୍ୟାଣ ମଣ୍ଡପ ନିର୍ମାଣ ହେଉଛି । ତାସହିତ ମହାରାଣୀ ସାଗରର ଉନ୍ନତିକରଣ ଅଧିକରୁ ଅଧିକ ହୋଇସାରିଛି । ତଥାପି ଅନେକ ବନ୍ଧ କାର୍ଯ୍ୟ ବାକି ରହିଛି ଯାହାକି ବିଧାୟକ କଳିକେଶ ନାରାୟଣ ସିଂହଦେଓ ଏଥିପ୍ରତି ସରକାରଙ୍କ ଦୃଷ୍ଟି ଆକର୍ଷଣ କରିସାରିଛନ୍ତି । ବଲାଙ୍ଗିରରେ ଐତିହାସିକ ବଲାଙ୍ଗିର ପୌରପରିଷଦ ଜଳନିଧୀ ଯୋଜନାରେ କେନ୍ଦ୍ର ସରକାରଙ୍କ ଠାରୁ ପ୍ରଥମ ପୁରସ୍କାର ହାସଲ କରିବାର ସ୍ୱଭାଗ୍ୟଏହି ପୌରପରିଷଦ ସାଉଁଟି ସାରିଥିବାବେଳେ ବିଭିନ୍ନ ବର୍ଗରେ ରାଜ୍ୟ ସରକାରଙ୍କ ତରଫରୁ ପୁରସ୍କୃତ ହୋଇ ସାରିଛି । ବିଗତ ଦିନରେ ବଲାଙ୍ଗିର ବିଧାୟକଙ୍କ ପ୍ରଚେଷ୍ଠାରେ ସମସ୍ତ ୧୨୭ ଗୋଟି ଧର୍ମାନୁଷ୍ଠାନକୁ ସରକାରଙ୍କ ତରଫରୁ ଉନ୍ନତିକରଣ ପାଇଁ ଅର୍ଥ ଯୋଗାଇ ଦିଆଯାଇଛି । ତେଣୁ ଆଗାମୀ ବର୍ଷ ପାଇଁ ସମସ୍ତେ ଦଳମତ ନିର୍ବିଶେଷରେ ଏକ ହୋଇ ବଲାଙ୍ଗିରର ବିକାଶ କରିବାକୁ ଆହ୍ୱାନ କରି ଆଗାମୀ ଦିନରେ ପୌରପରିଷଦ ତରଫରୁ ଏକ ଡିଜିଟାଲ ଆପ୍ ଆରମ୍ଭ କରିଯିବ ସାଧାରଣ ଜନତାଙ୍କ ଅଭିଯୋଗ ଶୁଣି ୨୪ ଘଣ୍ଟାରେ ସମାଧାନ କରିବା ପାଇଁ ବୋଲି ଘୋଷଣା କରିଥିଲେ ପୌରାଧ୍ୟକ୍ଷା ଲିକା ସାହୁ । ଏହି ସଭାରେ ମାନ୍ୟବର ବଲାଙ୍ଗିର ବିଧାୟକ କଳିକେଶ ନାରାୟଣ ସିଂହଦେଓ ପୌରପରିଷଦର ଜନପ୍ରତିନିଧୀ ମାନଙ୍କ କର୍ତ୍ତବ୍ୟ ପରାୟଣ ଲୋକଙ୍କ ସେବ ମନୋଭାବ ସାମ୍ବିଧାନିକ ଅଧିକାର ତେଣୁ ସମସ୍ତ ଜନପ୍ରତିନିଧୀ ଲୋକଙ୍କ ସହିତ ଭଲ ସଂପର୍କ ସ୍ଥାପନ କରି ଜନସାଧାରଣଙ୍କ ମୌଳିକ ଅଧିକାରକୁ ପୁରଣ କରିବା ସହିତ ଜନହିତକର କାର୍ଯ୍ୟ ସମ୍ପାଦନ କରି ବିନାକାରଣରେ ଗରିବ ଲୋକଙ୍ଗକୁ ବାସବ୍ୟତ ନକରି ପ୍ରଶାସନ ଲୋକଙ୍କ ସମସ୍ୟାର ସମାଧାନ କରିବାକୁ ଅନୁରୋଧ କରିଥିଲେ । ଏହା ସହିତ ସେ ଗୋଟିଏ ବଡ ଘୋଷଣା କରିଥିଲେ ଯେ ବଲାଙ୍ଗିର ସହର ମଧ୍ୟ ଭାଗରେ ଥିବା ମନ୍ଦିରମାନଙ୍କୁ ନେଇ ଯଥି ସମଲେଶ୍ୱରୀ ପାଟଣେଶ୍ୱରୀ ଶିବ ମନ୍ଦିର ଲକ୍ଷ୍ମୀ ନାରାୟଣ ମନ୍ଦିର ନରସିଂହ ମନ୍ଦିରକୁ ନେଇ ଏକ ଐତିହାସିକ ପର୍ଯ୍ୟଟନ ସ୍ଥଳିର ମାନ୍ୟତା ପାଇଁ ସରକାରଙ୍କ ଦୃଷ୍ଟିଆକର୍ଷଣ କରାଯାଇଛି ବୋଲି କହିଥିଲେ । ବଲାଙ୍ଗିର ସହରରର ଡ୍ରେନେଜ ବ୍ୟବସ୍ଥାର ଉନ୍ନତିକରଣ ପାଇଁ ପୌରପରିଷଦ ପୁର୍ତ୍ତ ବିଭାଗ ସହିତ ଜାତୀୟ ରାଜପଥ ବିଭାଗ ର ସମନ୍ୱୟରେ ଉନ୍ନତିକରଣ କରାରିବ ବୋଲି ଘୋଷଣା କରିଥିଲେ । ଏହି ସଭାରେ ଉପାଧ୍ୟକ୍ଷା ଗାୟତ୍ରୀ ଭୋଇ ଧନ୍ୟବାଦ ଅର୍ପଣ କରିଥିଲେ । ପରେପରେ ସଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଏହି କାର୍ଯ୍ୟକ୍ରମରେ ସମସ୍ତ କାଉନସିଲର ସମସ୍ତ କର୍ମଚାରୀ ସହଯୋଗ କରିଥିଲେ ।