centurian jitm

ଆସ୍ଥା ତରଫରୁ ଉତ୍କଳ ଦିବସ ପାଳିତ

ରାଉରକେଲା, (ସସ୍ମିତା ପ୍ରଧାନ) : ସରକାରୀ ସୀକୃତି ପ୍ରାପ୍ତ ରାଉରକେଲାର ଅଗ୍ରଣୀ ସ୍ଵେଚ୍ଛାସେବୀ ସାମାଜିକ ଓ ସାଂସ୍କୃତିକ ଅନୁଷ୍ଠାନ ଆସ୍ଥା, ରାଉରକେଲା ଇସ୍ପାତ କାରଖାନା ଅବସର ପ୍ରାପ୍ତ କର୍ମଚାରୀ ସଂଘ ଓ ରୋଜା ନୃତ୍ୟାନୁଷ୍ଠାନର ମିଳିତ ଆନୁକୁଲ୍ୟରେ ଗତ ୧ ରିଖ ଦିନ ଅବସର ଭବନ, କୋଏଲ ନଗର ପ୍ରାଙ୍ଗଣରେ ଉତ୍କଳ ଦିବସ ସମାରୋହ ପାଳନ କରାଯାଇଛି । ଉକ୍ତ ସମାରୋହରେ ରଘୁନାଥପଲ୍ଲୀ ବିଧାୟକ ଦୂର୍ଗା ଚରଣ ତନ୍ତି ମୁଖ୍ୟ ଅତିଥିଭାବରେ, ସମ୍ମାନିତ ଅତିଥିଭାବରେ ଅଭୟ କୁମାର ଦାସ (ରାଉରକେଲା ଇସ୍ପାତ କାରଖାନା ଅବସରପ୍ରାପ୍ତ କର୍ମଚାରୀ ସଂଘର ସଭାପତି) ମୁଖ୍ୟବକ୍ତା ଭାବରେ ପ୍ରେମାନନ୍ଦ ସାମଲ (ସମ୍ପାଦକ, ରାଉରକେଲା ଇସ୍ପାତ କାରଖାନା ଅବସରପ୍ରାପ୍ତ କର୍ମଚାରୀ ସଂଘ)ଙ୍କ ସହ ଆସ୍ଥାର ଉପସଭାପତି ରାଜ କୁମାର ପଣ୍ଡା, ସାଙ୍ଗଠନିକ ସହଯୋଗୀ ମୁରଲୀଧର ମଥାନ ଓ ସାଂସ୍କୃତିକ ସମ୍ପାଦିକା ଶିବାନୀ ରଣା ମଞ୍ଚରେ ଉପସ୍ଥିତ ଥିଲେ । ମୁଖ୍ୟଅତିଥି ବିଗତ ଦିନରେ ଅବସର ସଂଘର କିଛି ମୁଖ୍ୟ ସଦସ୍ୟ ଓ ଇସ୍ପାତ କାରଖାନାରେ କାର୍ଯ୍ୟ କରୁଥିବା ଆସ୍ଥା ବନ୍ଧୁମାନଙ୍କ ସହ କିପରି କାର୍ଯ୍ୟ କରୁଥିଲେ ତାହା ଦର୍ଶାଇଥିଲେ । ଉତ୍କଳ ଦିବସର ବରପୁତ୍ରଙ୍କ ନାମ କହି ଉତ୍କଳ ଦିବସର ପ୍ରାସଙ୍ଗିକତାକୁ ବୁଝାଇଥିଲେ । ସମ୍ମାନିତ ଅତିଥି ଆସ୍ଥାର ଓଡିଆ ସ୍କୁଲମାନଙ୍କୁ ନେଇ ପ୍ରତିଯୋଗୀତା ମୂଳକ ପ୍ରଚେଷ୍ଠାକୁ ସାଧୁବାଦ ଜଣାଇ ଥିଲେ ଏବଂ ବନ୍ଦେ ଉତ୍କଳ ଜନନୀ ଗାନ ବେଳେ ସମାରୋହର ସମସ୍ତ ଜନ ସମାଗମ ଓଡିଶାର ଜାତୀୟ ସଙ୍ଗୀତକୁ ଏକ ସ୍ଵରରେ ଗାନ କଲେ ଏକ ନିଆରା ଅନୁଭୂତି ପରିଲକ୍ଷିତ ହେବ ବୋଲି କହିଥିଲେ । ମୁଖ୍ୟବକ୍ତା ଓଡିଶାର ବରପୁତ୍ରମାନଙ୍କ ସ୍ମୃତିଚାରଣ ସହିତ ପ୍ରତିବର୍ଷ ଆସ୍ଥା, ଅବସରପ୍ରାପ୍ତ କର୍ମଚାରୀ ସଂଘ ଓ ରୋଜା ନୃତ୍ୟାନୁଷ୍ଠାନର ମିଳିତ ପ୍ରୟାସରେ ଉତ୍କଳ ଦିବସର ରୂପରେଖ ଖୁବ ସୁନ୍ଦର ହୋଇପାରୁଛି ବୋଲି ବର୍ଣ୍ଣନା କରିଥିଲେ । ଆସ୍ଥାର ସାଙ୍ଗଠନିକ ସହଯୋଗୀ ମୁରଲୀଧର ମଥାନ ସ୍ଵାଗତ ଭାଷଣ ସହ ଅତିଥି ପରିଚୟ ପ୍ରଦାନ କରିଥିବା ବେଳେ ଆସ୍ଥାର ଉପସଭାପତି ରାଜ କୁମାର ପଣ୍ଡା ଆସ୍ଥା ଆଭିମୁଖ୍ୟକୁ ପ୍ରତିପାଦନ କରିଥିଲେ । ସାଂସ୍କୃତିକ ସମ୍ପାଦିକା ଶିବାନୀ ରଣା ପାର୍ଶ୍ଵବର୍ତ୍ତୀ ଓଡିଆ ବିଦ୍ୟାଳୟର ମେଧାବୀ ଛାତ୍ରଛାତ୍ରୀମାନଙ୍କୁ ସମ୍ବର୍ଦ୍ଧନା ଓ ସାଂସ୍କୃତିକ ସନ୍ଧ୍ୟାର ଆକର୍ଷଣ ଉପରେ ବ୍ୟକ୍ତ କରିଥିଲେ । ପ୍ରତିବର୍ଷ ପରି ଚଳିତ ବର୍ଷ ଆସ୍ଥା ତରଫରୁ ସମ୍ବର୍ଦ୍ଧନା ନିମନ୍ତେ ଭାରତୀ କୃଷ୍ଣ ମିଶ୍ର ମହୋଦୟଙ୍କୁ ଆସ୍ଥାର ସଭାପତି ବିଷ୍ଣୁ ମୋହନ ମିଶ୍ର ଓ ସାଧାରଣ ସମ୍ପାଦକ ଆଲୋକ ଜେନା ମଞ୍ଚକୁ ପାଛୋଟି ନେଇଥିଲେ ତତ୍ ସହିତ ସମ୍ମାନିତ ଅତିଥିଙ୍କ କରକମଳରୁ ପୁଷ୍ପଗୁଚ୍ଛ ଓ ଶ୍ଵେତ କମଳ ସହ ଉପଢୌକନ ଦ୍ଵାରା ବିଶିଷ୍ଠ କ୍ରୀଡାବିତ ସମ୍ମାନର ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଆସ୍ଥାର କାର୍ଯ୍ୟସୂଚୀ ଅଧିକାରୀ କୁନୁ ରାଣୀ ବିଶ୍ଵାଳ ଓ ସୋସିଆଲ ମେଡିଆ ଅଧିକାରୀ ପ୍ରତୀକ୍ଷା ସାହୁ କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ସାଂସ୍କୃତିକ ସହଯୋଗୀ ଶୁଭଲକ୍ଷ୍ମୀ ପାତ୍ର ଧନ୍ୟବାଦ ଅର୍ପଣ କରିଥିଲେ । ପ୍ରାରମ୍ଭରେ ସରୋଜିନୀ ପତି ଓ ପ୍ରାଞ୍ଜଳି ନାଗଙ୍କ ଅଧକ୍ଷତାରେ ଓଡିଶାର ଜାତୀୟ ସଙ୍ଗୀତ ବନ୍ଦେ ଉତ୍କଳ ଜନନୀ ଆସ୍ଥା ସଦସ୍ୟମାନଙ୍କ ଦ୍ଵାରା ଗାନ କରାଯାଇଥିଲା । ଅନୁଷ୍ଠାନ ପକ୍ଷରୁ ଉତ୍କଳ ଦିବସ ଉପଲକ୍ଷେ ବିଭିନ୍ନ ଓଡିଆ ବିଦ୍ୟାଳୟରୁ ୬ଷ୍ଠ/୭ମ ଶ୍ରେଣୀର ୧୮ ଜଣ ଶ୍ରେଷ୍ଠ ବିଦ୍ୟାର୍ଥୀଙ୍କୁ ପୁରସ୍କୃତ କରାଯାଇଥିଲା । ଅବଶେଷରେ ରୋଜା ନୃତ୍ୟାନୁଷ୍ଠାନ, ନ୍ନୃତ୍ୟାଙ୍ଗନା ଓ ଫିଟନେସ ଜୋନର କଳାକାରମାନଙ୍କ ଦ୍ଵାରା ସଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ରୋଜା ନୃତ୍ୟାନୁଷ୍ଠାନର ବିଜୟ, ନ୍ନୃତ୍ୟାଙ୍ଗନାର ଦୀପିକା ଓ ଫିଟନେସ ଜୋନର ମଧୁସ୍ମିତା ମହାନ୍ତିଙ୍କୁ ନୃତ୍ୟ ଗୁରୁ ରୂପେ ସମ୍ମାନିତ କରାଯାଇଥିଲା । ଅବସର ପ୍ରାପ୍ତ କର୍ମଚାରୀ ସଂଘର କପିଳେଶ୍ଵର ମହାରଣା, ସଚ୍ଚିଦାନନ୍ଦ ମିଶ୍ରଙ୍କ ସହ ଆସ୍ଥାର ମଧୁମିତା ପଣ୍ଡା, ରେଣୁ ବାଳା ଜେନା, ବିଷ୍ଣୁ ପ୍ରିୟା ସ୍ଵାଇଁ, ପର୍ଶୁରାମ ମଲ୍ଲିକ, ତପନ ବେହେରା, ସୁରେଶ ରାଉତରାୟ, ଅରବିନ୍ଦ ସାହୁ, ଅଜୟ ଦାସ, ବିଭୁତି ସେଠି, ସୁଶାନ୍ତ ସାହୁ, ଅକ୍ଷୟ କୁମାର ସିଆ, ପ୍ରଜ୍ଞା ପରମିତା ଦାସ, ନମୀତା ଦାଶ, ଅନିତା ମହାପାତ୍ର, ପୁର୍ଣ୍ଣିମା ଭଟ୍ଟାଚାର୍ଯ୍ୟ ଓ ସୁକାନ୍ତି ପ୍ରଧାନ, ସହଯୋଗ କରିଥିଲେ ।

Leave A Reply

Your email address will not be published.