ସୁବର୍ଣ୍ଣପୁର, (କେପିଏନ୍ଏସ୍) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଗଜବନ୍ଧ ଉଚ୍ଚ ପ୍ରାଥମିକ ବିଦ୍ୟାଳୟରେ କ୍ଲଷ୍ଟରସ୍ତରୀୟ ନିପୁଣ ଓଡିଶା ମେଳା ଅନୁଷ୍ଠିତ ହୋଇଯାଇଛି । ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ନରେନ୍ଦ୍ର କୁମାର ପୁରୋହିତଙ୍କ ତତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ଗଜବନ୍ଧ ପଞ୍ଚାୟତ ସମିତିସଭ୍ୟା ସନ୍ତୋଷିନୀ ସେଠୀ ମୁଖ୍ୟ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ୱଳନ ପୂର୍ବକ ଉଦ୍ଘାଟନ କରିଥିଲେ । ସମ୍ମାନିତ ଅତିଥି ଭାବେ ଅବସରପ୍ରାପ୍ତ ପ୍ରଧାନ ଶିକ୍ଷକ ଅନୁପ କୁମାର ଗଡ଼ନାୟକ ଯୋଗଦେଇ ଛାତ୍ରଛାତ୍ରୀ ମାନଙ୍କର ମୌଳିକ ଭାଷା ଓ ସଂଖ୍ୟାଜ୍ଞାନ ଦକ୍ଷତା ହାସଲରେ ଗୋଷ୍ଠୀ ତଥା ଅଭିଭାବକ ମାନଙ୍କର ଭୂମିକା, ବିଭିନ୍ନ ଦକ୍ଷତା ହାସଲରେ ଶିକ୍ଷଣ ସାମଗ୍ରୀର ବ୍ୟବହାର ଓ ଅଭିନବ ପ୍ରଦର୍ଶନ ବିଷୟରେ ଆଲୋକପାତ କରିଥିଲେ । ସିଆର୍ସିସି ସଂଘ ସଭାପତି ଜୟନାରାୟଣ ପୂଜାରୀ ମୁଖ୍ୟବକ୍ତା ଭାବେ ଯୋଗଦେଇ ଅଭିନବ ଶିକ୍ଷଣ ପଦ୍ଧତି ପ୍ରୟୋଗରେ ଛାତ୍ରଛାତ୍ରୀଙ୍କ ଦକ୍ଷତାର ବିକାଶ କରିବାକୁ ଆହ୍ୱାନ ଦେଇଥିଲେ । ସଭାରେ ଆୟୋଜକ ବିଦ୍ୟାଳୟର ପ୍ରଧାନ ଶିକ୍ଷକ ହାରାଧନ ବେରିଆ ସଭାପତିତ୍ୱ କରି ସଭା ପରିଚାଳନା କରିଥିବା ବେଳେ ଶିକ୍ଷକ ସଞ୍ଜୟ ଭୋଇ, ତୁଳସୀରାମ ଭୋଇ, ଦିନେଶ ନାଏକ, ପ୍ରଶାନ୍ତ ଜ୍ୟୋତି ପ୍ରଧାନ, ବିକାଶ ଭରାସାଗର, କୁଶ ପୁଟେଲ, ନନ୍ଦକିଶୋର ବିଶି, ହାରାଧନ ରଣା, ତୁଳସୀରାମ ଭୋଇ, ଗୋବିନ୍ଦ ସାହୁ, ଶିକ୍ଷୟିତ୍ରୀ ରଶ୍ମିତା କୁଅଁର, ମାନିନୀ ବାଗ, ଚୁମକି ବିଶି, ବର୍ଷାରାଣୀ ମଲ୍ଲିକ, ମାନସୀ ନାଗ, ଲଳିତା ଭୁଏ, ପୂର୍ବତନ ୱାର୍ଡମେମ୍ବର ଦାମୋଦର ଭୁଏ, ଅଭିଭାବକ ରଞ୍ଜନ ସାହୁ, ପୁରୋତ୍ତମ ପଧାନ, ଭଗବାନ ପଧାନ, ପୂର୍ଣ୍ଣଚନ୍ଦ୍ର ଖେତି, ରୋହିତ ପରୁଆ, ଏକାଦଶୀଆ ମେହେର ଓ ପାଚିକାମାନେ ସହଯୋଗ କରିଥିଲେ । କଳା ଶିକ୍ଷକ ପ୍ରସନ୍ନ ମେହେର ଓ ଶ୍ୟାମ କୁଅଁର ସୃଜନଶୀଳ କାର୍ଯ୍ୟକଳାପର ଷ୍ଟଲର ପରିଚାଳନା କରିଥିଲେ । ସମସ୍ତ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ତଥା ଅଭିଭାବକମାନେ ସାମୁହିକ ଭାବେ ନିପୁଣ ଓଡିଶା ମେଳା ସଂଗୀତ ଓ ଶପଥ ପାଠ କରି ଏହି ମେଳାରେ ଲାଗିଥିବା ମୌଳିକ ସାକ୍ଷରତା ଷ୍ଟଲ, ମୌଳିକ ସଂଖ୍ୟା ଜ୍ଞାନ ଷ୍ଟଲ, ସୃଜନଶୀଳ କାର୍ଯ୍ୟକଳାପ ଷ୍ଟଲ ଓ ମତାମତ ଷ୍ଟଲ ବୁଲି ଦେଖିଥିଲେ । ସମସ୍ତ ଛାତ୍ରଛାତ୍ରୀ ମାନଙ୍କୁ ପଠନ ଲିଖନ ଉପକରଣ, ପ୍ରମାଣପତ୍ର, ଶିକ୍ଷକ ଶିକ୍ଷୟିତ୍ରୀ ଓ ଅବିଭାବକ ମାନଙ୍କୁ ପ୍ରଶଂସା ପତ୍ର ପ୍ରଦାନ କରାଯାଇଥିଲା । ଶେଷରେ ଶିକ୍ଷକ ଦିବାକର ବଢ଼େଇ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
Prev Post