• ନ୍ୟାୟପାଳିକା ମଧ୍ୟ ୨୪ ଘଣ୍ଟା ଜରୁରୀକାଳୀନ ସେବା ଯୋଗାଇବା ପାଇଁ ପ୍ରସ୍ତୁତ ଅଛି
ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଯଦି ସମସ୍ତ ଜିଲ୍ଲା ପ୍ରଶାସନ ଓ ଜିଲ୍ଲା ପୋଲିସ ବିଭାଗୀୟଙ୍କ ପୂର୍ଣ୍ଣ ସହଯୋଗ ମିଳେ ତେବେ ଯେପରି ଭାରତୀୟ ରେଳବାଇ ଏବଂ ସରକାରୀ ଜରୁରୀକାଳୀନ ସେବା ବିଭାଗ, ସରକାରୀ ସଂଗଠନ, ସଂସ୍ଥା ପରି ଆଗାମୀ ଦିନରେ ନ୍ୟାୟପାଳିକା ମଧ୍ୟ ୨୪ ଘଣ୍ଟା ଜରୁରୀକାଳୀନ ସେବା ଯୋଗାଇ ପାରିବାରେ ସକ୍ଷମ ଅଛି । ଏହାକୁ ଉଚିତ ମନେ କରି ଏହାର କାର୍ଯ୍ୟକାରିତା କରିବାରେ ଆଶା କରାଯାଏ ବୋଲି ମାନ୍ୟବର ଓଡ଼ିଶା ହାଇକୋର୍ଟର ପ୍ରଧାନ ବିଚାରପତି ଜଷ୍ଟିସ୍ ଏସ୍. ମୁରଲିଧର ମତବ୍ୟକ୍ତ କରିଛନ୍ତି । ଜଗନ୍ନାଥ ପ୍ରସାଦ ଏବଂ ଭଞ୍ଜନଗରରେ ସ୍ୱତନ୍ତ୍ର କୋର୍ଟ କମ୍ପ୍ଲେକ୍ସ କୋଠା ନିର୍ମାଣ ନିମନ୍ତେ ଶୁଭ ଭିତ୍ତି ସ୍ଥାପନ ତଥା ଶିଳାନ୍ୟାସ କରିବା ଅବସରରେ ଅନୁଷ୍ଠିତ ଜନସମାବେଶରେ ସମ୍ବୋଧିତ କରିବା ବେଳେ ମାନ୍ୟବର ପ୍ରଧାନ ବିଚାରପତି ଏହା ପ୍ରକାଶ କରିଛନ୍ତି । ଯାହାକି ଓଡିଶାର ନ୍ୟାୟପାଳିକା ଏକ ନୂତନ ଉଚ୍ଚତାରେ ପହଞ୍ଚିବ ଏବଂ ଏହା ଭାରତର ୧ନମ୍ବର ନ୍ୟାୟପାଳିକା ହେବ ବୋଲି ପ୍ରଧାନ ଜଷ୍ଟିସ ସ୍ୱଷ୍ଟ କରିଛନ୍ତି । ଗଞ୍ଜାମ ଜିଲ୍ଲା ବିଚାର ବିଭାଗର ନ୍ୟାୟପାଳିକାର ଭିତ୍ତିଭୂମିର ପ୍ରସାର, ବ୍ୟବସ୍ଥିତ ସୁବିଧା ବୃଦ୍ଧି ପାଇଁ ଓଡ଼ିଶା ନ୍ୟାୟପାଳିକା ପଦକ୍ଷେପ ନେଉଛି ବୋଲି ଏଠାରେ ସ୍ୱଷ୍ଟ କରାଯାଇଛି । ପବିତ୍ର ଜାତୀୟ ସହରାଞ୍ଚଳ ସ୍ୱାୟତ ଶାସନ ଦିବସ ଅବସରରେ ଅଗଷ୍ଟ ୩୧ତାରିଖ ଦିନ ଓଡ଼ିଶା ହାଇକୋର୍ଟର ପ୍ରଧାନ ବିଚାରପତି ଡକ୍ଟର ଜଷ୍ଟିସ୍ ଏସ୍. ମୁରଲିଧର ଗଞ୍ଜାମ ଜିଲ୍ଲା ଗସ୍ତରେ ଆସି ଜଗନ୍ନାଥ ପ୍ରସାଦ ଏବଂ ଭଞ୍ଜନଗରସ୍ଥ ସିଭିଲ କୋର୍ଟ କମ୍ପ୍ଲେକ୍ସ ପରିସରରେ ନୂତନ କୋଠା ନିର୍ମାଣ ନିମନ୍ତେ ମୂଳଦୁଆରେ ଶୁଭ ଦେଇଛନ୍ତି । ମାନ୍ୟବର ପ୍ରଧାନ ବିଚାରପତିଙ୍କ କରକମଳରେ ଆନୁଷ୍ଠାନିକ ଭାବେ ଏହି ଦୁଇଟି ସ୍ଥାନରେ କୋଠା ନିର୍ମାଣ ନିମନ୍ତେ ଶିଳାନ୍ୟାସ ହୋଇଛି । ସମ୍ମାନିତ ଅତିଥୀ ଭାବେ ହାଇକୋର୍ଟ ଏବଂ ହାଇକୋର୍ଟର ବିଲଡିଂ କମିଟିର ଚେୟାରମ୍ୟାନ୍ ଏବଂ ସମଗ୍ର ଓଡ଼ିଶା ତଥା ଗଞ୍ଜାମ ଜିଲ୍ଲାର ଜର୍ଜସିପ୍ର ପ୍ରଶାସନିକ ବିଚାରପତି ଡ଼. ବି.ଆର. ଷଡଙ୍ଗୀ ଯୋଗଦେଇ ଏହି ଶିଳାନ୍ୟାସ କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ କରିଥିଲେ । ଜଗନ୍ନାଥ ପ୍ରସାଦରେ ପ୍ରସ୍ତାବିତ କୋର୍ଟ କମ୍ପ୍ଲେକ୍ସ ଲଙ୍କାଗଡରେ ଅବସ୍ଥିତ ୩ ଏକର ୧୭୯ ଡେସିମିଲ ଜମିରେ ଆନୁମାନିକ ମୂଲ୍ୟ ଚାରି କୋଟି ଅଠେଇଶି ଲକ୍ଷ ଟଙ୍କାରେ ଏହି କୋଠା ବିକଶିତ ହେବ ବୋଲି କୁହାଯାଇଛି । ସେହିପରି ଭଞ୍ଜନଗରସ୍ଥ ମା’ ବ୍ୟାଘ୍ରଦେବୀ ମନ୍ଦିର ରୋଡର ପାର୍ଶ୍ୱରେ ପ୍ରସ୍ତାବିତ କୋର୍ଟ କମ୍ପ୍ଲେକ୍ସ ପାଞ୍ଚଏକର ଜମିରେ ଆନୁମାନିକ ଚାଳିଶ କୋଟି ୨୨ ଲକ୍ଷ ଟଙ୍କାରେ ନିର୍ମିତ ହେବ ବୋଲି କୁହାଯାଇଛି । ଭିତ୍ତିପ୍ରସ୍ତର ସ୍ଥାପନ କରିବା ପରେ ମାନ୍ୟବର ଜଷ୍ଟିସ୍ ଓ ପ୍ରଧାନ ବିଚାରପତି କାର୍ଯ୍ୟ ନିର୍ବାହୀ ବିଭାଗର ଇଞ୍ଜିନିୟରମାନଙ୍କ ସହ ନିର୍ମାଣ ଯୋଜନା ସମ୍ପର୍କରେ ଏକ ସଂକ୍ଷିପ୍ତ ଆଲୋଚନା କରିଥିଲେ । ଉଭୟ କୋର୍ଟ କମ୍ପ୍ଲେକ୍ସ ପାଇଁ ଟେଣ୍ଡର ପ୍ରକ୍ରିୟା ଚାଲିଛି, ବୋଲି ବିଭାଗୀୟ ଯନ୍ତ୍ରୀ କହିଛନ୍ତି ।
ଉକ୍ତ ସମାବେଶରେ ଭିତ୍ତିପ୍ରସ୍ତର ସ୍ଥାପନ କରି ନିଷ୍ଠାପର ଭାବେ ଦକ୍ଷତା ପ୍ରଦର୍ଶନ କରି କାର୍ଯ୍ୟ କରିବାକୁ ମାନ୍ୟବର ପ୍ରଧାନ ବିଚାରପତି ଯନ୍ତ୍ରୀ, କର୍ମଚାରୀ ଓ ଠିକାଦାରୀଙ୍କୁ ପରାମର୍ଶ ଦେଇ କହିଛନ୍ତି । ମାନ୍ୟବର ଡକ୍ଟର ଜଷ୍ଟିସ୍ ବି.ଆର. ଷଡଙ୍ଗୀ ତାଙ୍କ ଠିକଣାରେ ଉଲ୍ଲେଖ କରିଛନ୍ତି ଯେ, ଓଡିଶାର ସବ-ଅର୍ଡିନେଟ୍ କୋର୍ଟର ବିଲଡିଂ କମିଟିର ଚେୟାରମ୍ୟାନ୍ ଭାବରେ ସେ ପ୍ରତ୍ୟେକ ଜିଲ୍ଲା ତଥା ତାଲୁକାରେ ନ୍ୟାୟିକ ଅଧିକାରୀ, ଆଇନଜୀବୀ, କର୍ମଚାରୀ ଏବଂ ପର୍ଯ୍ୟାପ୍ତ ଭିତ୍ତିଭୂମି ତଥା ଆଧୁନିକ କୋର୍ଟ କମ୍ପ୍ଲେକ୍ସ ସୁନିଶ୍ଚିତ କରିବା ପାଇଁ ନିରନ୍ତର କାର୍ଯ୍ୟ କରିଆସୁଛନ୍ତି ।
ଏହା ବ୍ୟତିତ ଜଗନ୍ନାଥ ପ୍ରସାଦରେ ଓଡ଼ିଶା ହାଇକୋର୍ଟର ପ୍ରଧାନ ବିଚାରପତିଙ୍କ ଦ୍ୱାରା ଗଞ୍ଜାମ ଜର୍ଜସିପ୍ର ମାନ୍ୟବର ପ୍ରଶାସନିକ ବିଚାରପତିଙ୍କ ଉପସ୍ଥିତିରେ ସିଭିଲ୍ ଜଜ୍-କମ-ଜେଏମଏଫସିର ଏକ କୋର୍ଟ ମଧ୍ୟ ଉଦ୍ଘାଟନ କରାଯାଇଛି ବୋଲି କହିଥିଲେ । ଏହି ଅବସରରେ ଭିଜିଲାନ୍ସ ରେଜିଷ୍ଟ୍ରାର ଅଖିଲ କୁମାର ପଶ୍ଚିମକବାଟ, ଓଡ଼ିଶା ହାଇକୋର୍ଟ, ଅଧିବେଶନ ଜଜ୍, ଗଞ୍ଜାମ, ବ୍ରହ୍ମପୁର ଆନନ୍ଦ ଚନ୍ଦ୍ର ବେହେରା, ଗଞ୍ଜାମ ଜିଲ୍ଲା ମାଜିଷ୍ଟ୍ରେଟ ତଥା ଜିଲ୍ଲାପାଳ ଦିବ୍ୟାଜୋତି ପରିଡ଼ା, ଗଞ୍ଜାମ ପୋଲିସ ଅଧୀକ୍ଷକ ବ୍ରିଜେଶ କୁମାର ରାଏ, ବ୍ରହ୍ମପୁର, ସିଭିଲ ଆଣ୍ଡ ସେସନ କୋର୍ଟ, ରେଜିଷ୍ଟ୍ରାର ସୁଶାନ୍ତ କୁମାର ମିଶ୍ର, ଗଞ୍ଜାମ ଜର୍ଜସିପ୍ର ଅନ୍ୟ ସମସ୍ତ ଜୁଡିସିଆଲ୍ ଅଧିକାରୀ ପ୍ରମୁଖ ଉପସ୍ଥିତ ଥିଲେ । ଘୁମୁସର ବାର୍ ଆସୋସିଏସନ୍, ଭଞ୍ଜନଗର ଓ ଜଗନ୍ନାଥ ପ୍ରସାଦର ଉଭୟ ସ୍ଥାନର ସଦସ୍ୟ, ଓକିଲ, ସହଯୋଗୀଙ୍କ ଉପସ୍ଥିତିରେ ଏହି ଉଦ୍ଘାଟନୀ ବର୍ଣ୍ଣାଢ୍ୟ ସମାରୋହରେ ଆୟୋଜିତ ହୋଇଥିଲା ।
