ଲୋଇସିଂହା, (ବିମଳେନ୍ଦୁ ସାହୁ) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ସାନଟିକା ସ୍ଥିତ ପ୍ରସିଦ୍ଧ ଜଳେଶ୍ୱର ଶୈବପୀଠରେ ଆଜାଦ ୟୁଥ କ୍ଳବ ତରଫରୁ ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ସାଂସ୍କୃତିକ କାର୍ଯ୍ୟକ୍ରମରେ ନଅଗାଁ (ଖ) ପଂଚାୟତର ସରପଞ୍ଚ ବୃନ୍ଦାବନ ସେଠ, ଜିଆର୍ଏସ୍ ରଜନୀକାନ୍ତ ପଟ୍ଟନାୟକ, ବରିଷ୍ଠ ଶିକ୍ଷକ ସନ୍ତୋଷ ସାହୁ, କଂହେଇଲାଲ ପ୍ରଧାନ, ସଚ୍ଚିଦାନନ୍ଦ ପ୍ରଧାନ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ଛାତ୍ରଛାତ୍ରୀଙ୍କ ମଧ୍ୟରେ ମ୍ୟୁଜିକ ଚେୟାର, ଗୀତ ଓ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । କୃତି ପ୍ରତିଯୋଗୀ ଏବଂ ସପ୍ତମ ଶ୍ରେଣୀର ଟପ୍ପର ଶୁଭଲକ୍ଷ୍ମୀ ବିଶ୍ୱାଳଙ୍କୁ ପୁରସ୍କୃତ କରାଯାଇଥିଲା । ସୌକିଲାଲ ସାହୁ, ପ୍ରଦୀପ ପ୍ରଧାନ, ସମାରୁ ବିଶ୍ୱାଳ, ଅରୁଣ ନାଏକ, ଶ୍ରୀବତ୍ସ ପ୍ରଧାନ ଓ ମହାଦେବ ପ୍ରଧାନ ବିଭିନ୍ନ ପ୍ରତିଯୋଗିତାର ବିଚାରକ ଭାବେ ଯୋଗ ଦେଇଥିଲେ । କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାରପ୍ରାପ୍ତ ଲେଖକ କ୍ଷେତ୍ରବାସୀ ନାଏକ ଓ ସୁଶାନ୍ତ ପ୍ରଧାନ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ସୁଶାନ୍ତ ସାହୁ, ବାଳକ ପ୍ରଧାନ, ବାବୁଲୁ ପ୍ରଧାନ, ବରୁଣ ନାଏକ ପ୍ରମୁଖ ସହଯୋଗ କରିଥିଲେ ।