ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସଦର ବ୍ଲକ ଅନ୍ତର୍ଗତ କୁଡ଼ାସିଂହାର ରଜାମୁଣ୍ଡାରେ ନୂଆଁଖାଇ ଭେଟ୍ଘାଟ୍ ଅନୁଷ୍ଠିତ ହୋଇଯାଇଛି । ଏହି ନୂଆଁଖାଇ ଭେଟ୍ଘାଟ୍ ଶ୍ରୀ ସଂକୀର୍ତ୍ତନ୍ୟ ମଣ୍ଡଳୀ ପକ୍ଷରୁ ଆୟୋଜନ କରାଯାଇଥିବା ବେଳେ ଏଥିରେ ମୁଖ୍ୟ ଅତିଥି ଭାବେ ଗଗନ ବିହାରି ବଗର୍ତ୍ତି ଯୋଗଦାନ କରିଥିଲେ । ସମ୍ମାନିତ ଅତିଥି ଭାବେ ଅଧ୍ୟାପକ ମାନସ ରଂଜନ ସାହୁ, ଭୀମ ଭୋଇ ମେଡିକାଲ ଡ଼. ଭୁର୍ଗୁ ରାମ ରାଉଲ, ସୋମ ପଣ୍ଡା ପ୍ରମୁଖ ଯୋଗ ଦାନ କରି ମଂଚାସୀନ ଥିବା ବେଳେ ବିପିନ ବିହାରୀ ବଗର୍ତ୍ତୀ, ଗୌତମ ପଟେଲ ଓ ଡ଼ିଙ୍ଗର ଠେଲାଙ୍କୁ ଏହି ମଂଚରେ ସମ୍ମାନିତ କରାଯାଇଥିଲା । ଅନ୍ୟପଟେ ରଂଜିତ ପଟେଲ, ଡ଼. ଅନିମେଶ, ଡ଼. ମନିଶ, ପ୍ରେମାନନ୍ଦ, ଜ୍ଞାନେଶ୍ୱର ଓ ଏକାଦଶୀ ଟିମ୍ର ବିଶେଷ ସହଯୋଗ ପାଇଁ ଏହି ନୂଆଁଖାଇ ଭେଟ୍ଘାଟ୍ ହୋଇପାରିଥିବା ଜଣାପଡିଛି ।