ନୂଆପଡା, (ନିରାକାର ମେହେର) : ନୂଆପଡା ଜିଲ୍ଲା ଖଡ଼ିଆଳ ଡୁଆଝର ଗ୍ରାମ ନିକଟସ୍ଥ ସୁନ୍ଦର ନଦୀ କୂଳରେ ଖଡ଼ିଆଳ ବଣିକ ସଂଘ ପକ୍ଷରୁ ନୂଆଁଖାଇ ଭେଟ୍ଘାଟ୍ ଉତ୍ସବ ପାଳିତ ହୋଇଯାଇଛି । ମୁଖ୍ୟ ଅତିଥି ରୂପେ ରାଜ୍ୟ ବ୍ୟବସାୟିକ ମହାସଂଘ ସାଧାରଣ ସମ୍ପାଦକ ସୁଧାକର ପଣ୍ଡା ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ଖଡ଼ିଆଳ ବଣିକ ସଂଘ ସଭାପତି ରଶ୍ମି ରଞ୍ଜନ ଚଳାନ ସଭପତିତ୍ୱ କରିଥିବା ବେଳେ ଖଡ଼ିଆଳ ବଣିକ ସଂଘ ସମ୍ପାଦକ ସମ୍ବିଦ ପଣ୍ଡା ମଞ୍ଚ ପରିଚାଳନା କରିଥିଲେ । ଟ୍ରେଡ଼ ୟୁନିୟନ ପକ୍ଷରୁ ରାଜେନ୍ଦ୍ର ମହାପାତ୍ର ଯୋଗ ଦେଇଥିବା ବେଳେ ଏହି କାର୍ଯ୍ୟକ୍ରମରେ ପଡୋଶୀ ଜିଲ୍ଲାର ବଣିକ ସଂଘ ଯୋଗ ଦେଇଥିଲେ । ଭବାନୀପାଟଣା, ଟିଟିଲାଗଡ, ଧର୍ମଗଡ଼, ବଙ୍ଗୋମୁଣ୍ଡା, ପାଟଣାଗଡ଼ ଏବଂ ଖଡ଼ିଆଳର ବହୁ ବ୍ୟବସାୟୀ ଯୋଗ ଦେଇଥିଲେ ।