ଗଞ୍ଜାମ, (ପ୍ରଦୀପ କୁମାର ପଣ୍ଡା) : ବରୋଦା କାଜୁ ଜଙ୍ଗଲରେ ନିଆଁ ଲାଗିଥିବା ଜଣାପଡିଛି । ସୂଚନା ଅନୁସାରେ ଗୁରୁବାର ଦିନ କୌଣସି କାରଣରୁ ଗଞ୍ଜାମ ବ୍ଲକ ମଲାଡ଼ ପଂଚାୟତ ବରୋଦା ଗ୍ରାମ ସ୍ଥିତ କାଜୁ ଜଙ୍ଗଲରେ ନିଆଁ ଲାଗିଯାଇଥିବା ଦେଖିବାକୁ ମିଳିଥିଲା । ଏନେଇ ଖବର ପାଇ ସ୍ଥାନୀୟ ମହିଳା ସରପଞ୍ଚ ମମତା ବେହେରା ଓ ସରପଞ୍ଚ ପ୍ରତିନିଧି ସୁଦାମ ବେହେରା ନିଆଁ ଲାଗି ହୁତୁ ହୋଇ ହୋଇ ଜଳୁଥିବା କାଜୁ ଜଙ୍ଗଲରେ ପହଂଚି ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଫୋନ ଯୋଗେ ଅବଗତ କରିବା ସହ ପରିସ୍ଥିତି ଅନୁଧ୍ୟାନ କରିଥିଲେ । ଅନ୍ୟପଟେ ତହସିଲଦାର ଅରୁଣ କୁମାର ନାୟକଙ୍କ ପରାମର୍ଶ କ୍ରମେ ମଲାଡ଼ ଆରଆଇ ମଧ୍ୟ ଘଟଣା ସ୍ଥଳରେ ପହଂଚି ନିଆଁ କେମିତି ଲାଗିଲା ତଦନ୍ତ କରିଛନ୍ତି । ବର୍ତମାନ ଅଗ୍ନିଶମ ବିଭାଗର ଦମକଳ କର୍ମଚାରୀମାନେ ନିଆଁ ଲିଭା କାର୍ଯ୍ୟ ଜାରି ରଖିଥିବା ବେଳେ ଖବର ଲେଖା ହେବା ସୁଦ୍ଧା ନିଆଁ ଜଳୁଥିବା ଦେଖିବାକୁ ମିଳିଛି ।