ଆଗଲପୁର, (ସୁଶିଳ କୁମାର ମିଶ୍ର) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ଭରସୂଜା ସରପଂଚ ଶ୍ରୀମତୀ ପ୍ରମିଳା ସାହୁ ସରପଂଚ ପଦବୀରୁ ନିଲମ୍ବିତ ହୋଇଥିବା ସୂଚନା ମିଳିଛି । ସୂଚନା ଅନୁସାରେ ପୂର୍ବତନ କାର୍ଯ୍ୟନୀର୍ବାହି ଅଧିକାରୀ ରାଜକିଶୋର ପୋଢଙ୍କ ସହ ମିଶି ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ସକାଶେ ବହୁ ସରକାରୀ ଅର୍ଥ ଉଠାଇଥିଲେ । ଏଥିରେ ବ୍ୟାପକ ଅର୍ଥ ଆତ୍ମସାତ ନେଇ କିଛି ଲୋକ ଜିଲ୍ଲାପାଳଙ୍କ ନିକଟରେ ଅଭିେଯାଗ କରିଥିଲେ । ପରେ ଜିଲ୍ଲାପାଳ ତଦନ୍ତ ନିର୍ଦ୍ଦେଶ ଦେଇଥିଲେ । ତଦନ୍ତ ପରେ ବ୍ୟାପକ ଅର୍ଥ ଅନିୟମିତତା ହୋଇଥିବା ଜଣାପଡିବାରୁ ସରକାରୀ ଅର୍ଥ ହେରଫେର ଅଭିେଯାଗରେ ପିଇଓ ରାଜକିଶୋର ପୋଢଙ୍କୁ ଜେଲ ଯାଇଥିଲେ । ପରେ ପରେ ଜିଲ୍ଲାପାଳଙ୍କ ରିପୋର୍ଟକୁ ଆଧାର କରି ତଥା ଓଡିଶା ସରକାରଙ୍କ ପଂଚାୟତି ରାଜ ଓ ପାନିୟଜଳ ବିଭାଗ ପତ୍ର ସଂଖ୍ୟା ୭୪୦୭ ତାରିଖ ୧୮-୩-୨୫ ଅନୁସାରେ ସରପଂଚ ଶ୍ରୀମତୀ ପ୍ରମିଳା ସାହୁଙ୍କୁ ନିଲମ୍ବିତ କରାଯାଇଥିବା ସୂଚନା ମିଳିଛି ।