ପାଟନା : ବିହାରର ରାଜଧାନୀ ପାଟନାର ଗଙ୍ଗାନଦୀରେ ଏକ ବଡ଼ ଦୁର୍ଘଟଣା ଘଟିଛି । ମହାବୀର ଟୋଲାସ୍ଥିତ ଗଙ୍ଗାନଦୀ ଘାଟରେ ପନିପରିବା ବୋଝେଇ ଏକ ଡଙ୍ଗା ବୁଡ଼ି ଯାଇଛି । ଡଙ୍ଗାରେ ୧୨ ଜଣ ଥିଲେ, ୧୦ ଜଣ ପହଁରି କୌଣସି ପ୍ରକାରେ ଜୀବନ ବଞ୍ଚାଇଥିଲେ, କିନ୍ତୁ ୨ ଜଣ ଏବେ ବି ନିଖୋଜ ଅଛନ୍ତି । ଘଟଣାସ୍ଥଳରେ ନିଖୋଜ ଦୁଇ ଜଣଙ୍କୁ ଖୋଜିବାରେ ଲାଗିଛି ଏସ୍ଡିଆର୍ଏଫ ଟିମ୍ । ମିଳିଥିବା ସୂଚନା ଅନୁଯାୟୀ, ମହାବୀର ଟୋଲାର ଗଙ୍ଗାନଦୀ ଘାଟରେ ପରିବା ବିକ୍ରି କରୁଥିବା ଲୋକେ ଏକ ଡଙ୍ଗାରେ ଦିଆରାରୁ ଆସୁଥିଲେ । ଆସୁଥିବାବେଳେ କୌଣସି କାରଣରୁ ଡଙ୍ଗାଟି ବୁଡ଼ି ଯାଇଥିଲା । ନିଖୋଜ ଦୁଇ ଜଣ ହେଲେ ପାଟନାର ନାଗା ଟୋଲାର ବିଜେନ୍ଦ୍ର କୁମାର ରାୟ ଓ ରଣବୀର କୁମାର ବୋଲି ଜଣାପଡ଼ିଛି।