ସୁବର୍ଣ୍ଣପୁର, (ପ୍ରଭୁଦତ୍ତ ରଥ) : ସୁବର୍ଣ୍ଣପୁର ଜିଲ୍ଲାର ସଦର ପୌରାଂଚଳ ସହ ତରଭା ଓ ବିନିକା ବିଜ୍ଞାପିତ ଅଂଚଳ ପରିଷଦ ପାଇଁ ଅନୁଷ୍ଠିତ ପୌର ନିର୍ବାଚନର ଅନ୍ତିମ ଦିନରେ ଆଜି ଦଳୀୟ ପ୍ରାର୍ଥିମାନେ ଚେୟାରମେନ ଓ ୱାର୍ଡ ମେମ୍ବର ପଦବୀ ପାଇଁ ମନୋନୟନ ପତ୍ର ଦାଖଲ କରିଛନ୍ତି । ସୁବର୍ଣ୍ଣପୁର ପୌର ପରିଷଦର ୧୫ଟି ୱାର୍ଡ ପାଇଁ ବିଜେପି, ବିଜେଡି ଓ କଂଗ୍ରେସ ସମେତ ନିର୍ଦଳିୟ ପ୍ରାର୍ଥୀମାନେ ନିଜ ନିଜର ସମର୍ଥକଙ୍କ ସହ ମନୋନୟନ ପତ୍ର ଦାଖଲ କରିଛନ୍ତି । ପୌରାଧ୍ୟକ୍ଷା ପଦ ପାଇଁ ବିଜେପିରୁ ସୁନୀତା ଗିରୀ, ବିଜେଡିରୁ ତାମସୀ ତମସ୍ମିତା ଓ କଂଗ୍ରେସରୁ ରାଜଶ୍ରୀ ଦ୍ବିବେଦୀ ଦଳିୟ ପ୍ରାର୍ଥୀ ଭାବେ ପ୍ରାର୍ଥୀପତ୍ର ଦାଖଲ କରିଛନ୍ତି । ଠିକ୍ ସେହିପରି ତରଭା ଏନ୍ଏସିର ୧୨ଟି ୱାର୍ଡ ଓ ବିନିକା ଏନ୍ଏସିର ୧୨ଟି ୱାର୍ଡ ସକାଶେ ମଧ୍ୟ ଉଭୟ ଚେୟାର୍ମେନ୍ ଓ ୱାର୍ଡ ସଭ୍ୟ ପଦବୀରେ ପ୍ରାର୍ଥୀମାନେ ନିଜ ନିଜର ସମର୍ଥକଙ୍କ ଗହଣରେ ପ୍ରାର୍ଥୀପତ୍ର ଦାଖଲ କରିଛନ୍ତି ।