ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ନିକଟସ୍ଥ ମହୁଲପାଲି ଗାଁ ଶିବାନଗର ଠାରେ ୬ଷ୍ଠ ଥର ପାଇଁ ଷୋହଳ ପ୍ରହରୀ ନାମଯଜ୍ଞ ଅନୁଷ୍ଠିତ ହୋଇଯାଇଛି । ଗତ ୩ ତାରିଖରେ ଶତାଧିକ ମହିଳା ନାମ ସଂକୀର୍ତ୍ତନ୍ୟ ସହ ନିକଟସ୍ଥ ବୁଢ଼ୀବନ୍ଧରୁ ପାଣି ଉଠାଇ ଏକ ବିରାଟ କଳସ ଯାତ୍ରାରେ ଗ୍ରାମ ପରିକ୍ରମା କରି ଯଜ୍ଞ ମଣ୍ଡପ ନିକଟକୁ ଆସି କଳସ ସ୍ଥାପନା କରିଥିଲେ । ବୁଧବାର ନାମଯଜ୍ଞରେ ନାମ ଆରମ୍ଭ କରାଯିବା ସହ ହୋମ କାର୍ଯ୍ୟ ଅନୁଷ୍ଠିତ ହୋଇଥିଲା । ଶୁକ୍ରବାର ନାମଯଜ୍ଞରେ ପୂର୍ଣ୍ଣାହୁତି ପଡ଼ିଥିଲା । ଏହି ନାମଯଜ୍ଞରେ ୭ଟି ସଂକୀର୍ତ୍ତନ ଦଳ ଅଂଶଗ୍ରହଣ କରିଥିଲେ । ଶିଶିର ବେହେରା ସପତ୍ନୀକ କର୍ତ୍ତା ଦାୟିତ୍ୱ ନିର୍ବାହ କରିଥିଲେ । ପୂଜକ ରୂପେ ଗଣନାଥ ମହାପାତ୍ର, ବନ ମହାପାତ୍ର, ତରଣୀ ଦାଶ ଦାୟିତ୍ଵ ତୁଲାଇଥିଲେ । ସଭାପତି କବିରାଜ ବେହେରା, ସଂପାଦକ ତୋଷବନ୍ତ ସାହୁ, କୋଷାଧ୍ୟକ୍ଷ ଡୋଳାମଣି ସାହୁ ଓ କମିଟିର ଅନ୍ୟ ସଦସ୍ୟମାନେ କାର୍ଯ୍ୟକ୍ରମ ପରିଚାଳନା କରିଥିଲେ । ଶିବାନଗରପଡ଼ାବାସୀ ତଥା ମହୁଲପାଲି ଗ୍ରାମବାସୀ ସହଯୋଗ କରିଥିଲେ ।