ତୁରେକେଲା, (ପିତାମ୍ବର ଦୀପ) : ଏକ ଦୁଃଖଦ ପରିସ୍ଥିତିରେ ତୁରେକେଲା ବ୍ଲକର ବଡ଼ବାଙ୍କି ଗାଁର ଦୁଇ ବରିଷ୍ଠ ନାଗରିକ ଦାସରଥୀ ପୁଟେଲ (୮୭) ଏବଂ ମନ୍ଦାର ପୁଟେଲ (୮୪) । ଉଭୟେ ଅଭିଯୋଗ କରିଛନ୍ତି ଯେ, ସେମାନଙ୍କୁ ଏପର୍ଯ୍ୟନ୍ତ ୧୦୦୦ /୧୨୦୦ ଟଙ୍କା ଭତ୍ତା ମିଳୁଛି କିନ୍ତୁ ବର୍ଦ୍ଧିତ ଭତ୍ତା ମିଳିନାହିଁ । ୮୦ ବର୍ଷରୁ ଅଧିକ ବୟସ୍କ ନାଗରିକଙ୍କ ପାଇଁ ପ୍ରତିଶୃତି ଦିଆଯାଇଥିବା ୩,୫୦୦ ଟଙ୍କା ଭତ୍ତା ତ ଦୂରର କଥା, ସେମାନେ ପଞ୍ଚାୟତର ସରପଞ୍ଚ, ଇଓ ଏବଂ ତୁରେକେଲା ବ୍ଲକ ପ୍ରଶାସନ ସହିତ ଅନେକ ଥର ଯୋଗାଯୋଗ କରିବା ସତ୍ତ୍ୱେ କୌଣସି ସହାୟତା ପାଇ ନଥିବା କହିଛନ୍ତି । ବର୍ତ୍ତମାନ ସେମାନେ ହତାଶ ହୋଇପଡ଼ିଛନ୍ତି । ପ୍ରକାଶ ଯେ ବଡ଼ବାଙ୍କି ପଂଚାୟତ ଇଓଙ୍କ ପଚାରିବାରୁ ଆସନ୍ତା ଅଗଷ୍ଟ ମାସରୁ ଦୁଇ ଜଣଙ୍କୁ ୩୫୦୦ଟଙ୍କା ଭତ୍ତା ମିଳିବ ବୋଲି ସୂଚନା ଦେଇଥିବା କୁହାଯାଇଛି ।