
କଣ୍ଟାବାଞ୍ଜି, (କେପିଏନ୍ଏସ୍) : ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ବଲାଙ୍ଗିର କଣ୍ଟାବାଞ୍ଜି ନଗର ଖେଲୋ-ଭାରତ ଗତିବିଧି ତରଫରୁ କଣ୍ଟାବାଞ୍ଜି ସ୍ଥିତ ବିଜୁ ପଟ୍ଟନାୟକ ଇଣ୍ଡୋର ଷ୍ଟାଡିୟମ ଠାରେ “ନଗର ଖେଳ କୁମ୍ଭ” ଅନୁଷ୍ଠିତ ହୋଇଯାଇଛି । ଏହି ଖେଳ କୁମ୍ଭରେ ଉଭୟ ଜୁନିଅର ସିନିୟର୍ ବ୍ୟାଡମିଣ୍ଟନ ପ୍ରତିଯୋଗିତା କରାଯାଇଥିଲା । ନଗରର ସମସ୍ତ ଉଚ୍ଚ ବିଦ୍ୟାଳୟ, ମହାବିଦ୍ୟାଳୟର ୧୦୦ରୁ ଅଧିକ ଖେଳାଳି ଭାଗ ନେଇଥିଲେ । ଏହି କାର୍ୟ୍ୟକ୍ରମରେ ମୁଖ୍ୟ ଅତିଥି ଭାବେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଓଡିଶା-ପଶ୍ଚିମ ପ୍ରାନ୍ତ ସମ୍ପାଦକ ଶ୍ଵେତାଶୁଂ ଶେଖର ବରାଇ, ମୁଖ୍ୟବକ୍ତା ଭାବେ ପ୍ରାନ୍ତ ଖେଲୋ ଭାରତ ପ୍ରମୁଖ ଦିବ୍ୟଜ୍ୟୋତି ନନ୍ଦ ଓ ସମ୍ମାନିତ ଅତିଥି ଭାବେ ଜିଲ୍ଲା ସଂଗଠନ ସମ୍ପାଦକ ବିକାଶ ସାହୁ ଓ ଯୁବ ଆଇନଜୀବୀ ବିବେକ ଶର୍ମା ଉପସ୍ଥିତ ଥିଲେ । ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ ଖେଲୋ ଭାରତ ଗତିବିଧି ମାଧ୍ୟମରେ “ନଗର ଖେଳ କୁମ୍ଭ” ଦ୍ଵାରା ଖେଳାଳି ମାନଙ୍କୁ ଏକ ମଞ୍ଚ ଓ ଖେଳକୁ ନଗର ଓ ମହାବିଦ୍ୟାଳୟ ସ୍ତରରେ ସକ୍ରିୟତା ପ୍ରଦାନ କରିବା ଆମର ଲକ୍ଷ ବୋଲି ପ୍ରାନ୍ତ ଖେଲୋ ଭାରତ ସଂଯୋଜକ ସ୍ୱରାଜ ପୁରୋହିତ ମତ ରଖିଛନ୍ତି ।