ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହର ୱାର୍ଡ ୧୯ ରାଜୀବନଗରଠାରେ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ପରେ ୨୧ ନମ୍ୱର ୱାର୍ଡ ଅନ୍ତର୍ଗତ ସହରୀ ଯୋଜନା ସମ୍ପର୍କରେ ଏକ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ପୌରାଧ୍ୟକ୍ଷା ଲିକା ସାହୁ ଯୋଗଦାନ କରି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । ରାଜ୍ୟ ସରକାରଙ୍କ ତରଫରୁ ଆମ ଓଡ଼ିଶା ନବୀନ ଓଡ଼ିଶା ଯୋଜନାରେ ବିଭିନ୍ନ ଉନ୍ନୟନମୂଳକ କାମ ହାତକୁ ନିଆଯାଉଛି । ଶିକ୍ଷା, ସ୍ୱାସ୍ଥ୍ୟ, ଜାଗା ମିଶନ ଓ ଅନ୍ୟାନ୍ୟ ସେବା ଯୋଗାଇ ଦିଆଯାଇଛି । ତେବେ ସମସ୍ତ ଯୋଜନା ସମ୍ପର୍କରେ ଜାଣିବା ପାଇଁ ଏବଂ ଏହାର ଲାଭ କେମିତି ଉଠାଇ ହେବ ସେ ସମ୍ପର୍କରେ ଜାଣିବା ପାଇଁ ଏହି କାର୍ଯ୍ୟକ୍ରମର ଆୟୋଜନ କରାଯାଇ ଥିବା ପୌରାଧ୍ୟକ୍ଷା ଶ୍ରୀମତୀ ସାହୁ କହିଥିଲେ । ଏହି କାର୍ଯ୍ୟକ୍ରମ କାଉନ୍ସିଲର ଶତ୍ରୁଘ୍ନ ବାଗ, ଗଙ୍ଗା ଚାନ୍ଦଙ୍କ ସମେତ ପଡାର ଶହ ଶହ ମାତ୍ରାରେ ମହିଳା, ପୁରୁଷ ଥିବା ବେଳେ ୱାର୍ଡ଼ରେ ଥିବା ପ୍ରତିଭାଶାଳୀ ମହିଳା ଓ ଝିଅମାନେ ଝୋଟି, ଚିତ୍ରାଙ୍କନ କରିଥିଲେ । ପରେ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି ପ୍ରତିଯୋଗିତାରେ ଉତ୍ତୀର୍ଣ୍ଣ ହୋଇଥିବା ପ୍ରତିଭାମାନଙ୍କୁ ପୁରସ୍କାର ବିତରଣ କରାଯାଇଥିଲା ।