ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ପାଟଣାର ଇଷ୍ଟଦେବୀ ମା’ ପାଟଣେଶ୍ୱରୀଙ୍କ ମନ୍ଦିରରେ ନବଦିନାତ୍ମକ ବାସନ୍ତିକ ନବରାତ୍ର ପୂଜା ତା.୨୨.୦୩.୨୦୨୩ ପ୍ରତିପଦା ଦିନଠାରୁ ଆରମ୍ଭ ହୋଇଯାଇଛି । ନରସିଂହ ମନ୍ଦିରରୁ ପାଣି ଆଣି କଳସ ସ୍ଥାପନ କରାଯାଇଥିଲା । ସକାଳୁ ସୂର୍ଯ୍ୟ ପୂଜା କରି ଅଖଣ୍ଡ ଦୀପ ପ୍ରଜ୍ୱଳନ କରାଯାଇ ଚଣ୍ଡୀପାଠ କରାଯାଇଥିଲା । ପ୍ରତ୍ୟହ ମଧ୍ୟାହ୍ନ ଓ ସନ୍ଧ୍ୟାରେ ମହାଆଳତୀ ମା’ଙ୍କ ଠାରେ ଦିଆଯାଇଥିବା ବେଳେ ପଂଚବାଦ୍ୟ ଦୁଲ୍ଦୁଲି ଓ ଘଣ୍ଟ ଶଙ୍ଖରେ ଆଳତୀ ପ୍ରତିଦିନ ଦିଆଯାଉଛି । ଏହି ପୂଜାରେ ବହୁ ସଂଖ୍ୟାରେ ଭକ୍ତ ଆସି ମା’ଙ୍କ ଆଶୀର୍ବାଦ ଭିକ୍ଷା କରୁଛନ୍ତି । ଆସନ୍ତା ୩୦ ତାରିଖ ମହାନବମୀ ଦିନ ପୂର୍ଣ୍ଣାହୁତି ହେବ । ଉକ୍ତ ପୂଜାରେ ମୁଖ୍ୟ ପୂଜକ ମଳୟ ଦିସ୍ରୀ ସହ ଅଭିନାଶ ଦିସ୍ରୀ ଏବଂ ଟିକେଲାଲ ମାହାଣ ଓ ତାଙ୍କ ଧର୍ମପତ୍ନୀ ଓ କିଶୋର ପତି ଓ ତାଙ୍କ ଧର୍ମପତ୍ନୀ, ସୋମନାଥ ମାଝି ଓ ତାଙ୍କ ଧର୍ମପତ୍ନୀ, ଗୌରହରି ଷଡଙ୍ଗୀ ଓ ତାଙ୍କ ଧର୍ମପତ୍ନୀ ପୂଜା କର୍ତ୍ତା ରୂପେ ଦାୟିତ୍ୱ ତୁଳାଇଥିବା ବେଳେ ଫକିର ଶତପଥୀ ଯଜ୍ଞ ଆହୁତି ଦାୟିତ୍ୱ ତୁଳାଇଥିଲେ । ବାବୁଲୁ ମିଶ୍ର ଚଣ୍ଡୀପାଠ କରିଥିଲେ ।
