ଢେଙ୍କାନାଳ : କୂଅରୁ ମିଳିଛି ନିଖୋଜ ଶିଶୁର ମୃତଦେହ । ଗାଁର ଏକ କୂଅରୁ ଶିଶୁର ମୃତଦେହ ଉଦ୍ଧାର କରାଯାଇଥିବା ସୂଚନାରେ କୁହାଯାଇଛି । ଗତ କାଲିଠାରୁ ନିଖୋଜ ଥିଲା ଏହି ତିନି ବର୍ଷର ଶିଶୁ । ମୃତକ ଶିଶୁ ହେଲା ନିହଲପ୍ରସାଦ ଥାନା ଖଙ୍କିରା ଗ୍ରାମର ଚନ୍ଦନ ସାହୁଙ୍କ ତିନି ବର୍ଷର ପୁଅ କାଳିଆ । ସୂଚନାଯୋଗ୍ୟ ଯେ, କାଳିଆ ଗତ କାଲି ସନ୍ଧ୍ୟାରେ ଗାଁ ଦାଣ୍ଡରେ ଖେଳୁଥିବା ବେଳେ କୁଆଡେ ଗାଏବ୍ ହୋଇଯାଇଥିଲେ । ତେବେ ତିନି ବର୍ଷର ଶିଶୁକୁ କେହି ଅପହରଣ କରି ନେଇଥିବା ସନ୍ଦେହ କରାଯାଉଥିଲା । ଆଜି ଘର ଠାରୁ ଶହେ ମିଟର ଦୂର ଗାଁ କୂଅରୁ କଳିଆଙ୍କ ମୃତ ଦେହ ମିଳିଥିବା ବେଳେ ଘଟଣାସ୍ଥଳରେ ନିହଲପ୍ରସାଦ ପୁଲିସର ତଦନ୍ତ ଜାରି ରଖିଛି ।