ଛତ୍ରପୁର, (କେ.ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲା ଛତ୍ରପୁର ଥାନା ଅଧୀନ ପୋଡ଼ାପଦର ଗ୍ରାମର ଜଣେ ଅଙ୍ଗନୱାଡ଼ି କର୍ମୀ ଦୀର୍ଘ ୫ ଦିନଧରି ନିଖୋଜ ଥିଲେ । ନିକଟ ଏକ ଘଞ୍ଚ କାଜୁତୋଟାମାଳରୁ ତାଙ୍କ ଝୁଲନ୍ତା ଶବ ଛତ୍ରପୁର ପୋଲିସ ଉପସ୍ଥିତିରେ ଶୁକ୍ରବାର ଉଦ୍ଧାର କରାଯାଇଛି । ସେ ହେଲେ ଜଣେ ପ୍ରାପ୍ତବୟସ୍କା ସୁଭାସିନୀ ପଣ୍ଡା । ସେ ଋଣଗ୍ରସ୍ତ ହୋଇଥିଲେ । ବିଭିନ୍ନ କମ୍ପାନୀ କର୍ତ୍ତୃପକ୍ଷଙ୍କ କଟୁ ମନ୍ତବ୍ୟରେ ଅସହ୍ୟ ହୋଇ ସେ ଆତ୍ମହତ୍ୟା କରିଥିବା ପ୍ରାରମ୍ଭିକ ସୂଚନାରୁ ଜଣାଗଲା । ଏ ଘଟଣାରେ ଛତ୍ରପୁର ପୋଲିସର ତଦନ୍ତ ଜାରି ରଖିଛି । ସେ ଋଣ ନେଇଥିଲେ ଏବଂ ଋଣ ଅର୍ଥ ଆଦାୟକୁ କେନ୍ଦ୍ର କରି ଫାଇନାନ୍ସ କମ୍ପାନୀଙ୍କ ଚାପରେ ବାରମ୍ବାର ଧମକପୂର୍ଣ୍ଣ ଚେତାବନୀରେ ଏଭଳି କରିଥିବା କୁହାଯାଉଛି ।