ମ.ରାମପୁର, (ହେମନ୍ତ ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ଥାନା ଅନ୍ତର୍ଗର୍ତ ପୁଜିଲଡୁ ଗ୍ରାମ ନିକଟରେ ଥିବା ଜଙ୍ଗଲରୁ ଏକ ଝୁଲନ୍ତା ଶବ ଉଦ୍ଧାର କରାଯାଇଛି । ସୂଚନା ମୁତାବକ ବାରବନ୍ଧା ପଂଚାୟତ ପୁଜିଲଡୁ ଗ୍ରାମର ସୁଜିତ ସେନାପତି ଗତକାଲି ଘରୁ ବାହାରିଥିଲେ ନିଜ ବାଇକରେ । ରାତିରେ ଆଉ ସେ ଘରକୁ ଫେରିନଥିବା ବେଳେ ଆଜି ନିକଟ ଜଙ୍ଗଲର ଏକ ଗଛରେ ତାଙ୍କର ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ପରେ ପୋଲିସ ଖବର ପାଇ ମୃତ ଦେହକୁ ଉଦ୍ଧାର କରିବା ସହିତ ଶବ ବ୍ୟବଚ୍ଛେଦ୍ଦ କରି ପରିବାର ଲୋକଙ୍କୁ ହସ୍ତାନ୍ତର କରିଛି । ଏନେଇ ମ.ରାମପୁର ଥାନରେ ମାମଲା ରୁଜୁ ହୋଇ ତଦନ୍ତ ଚାଲିଥିବା ଜଣାଯାଇଛି ।