ଖଲ୍ଲିକୋଟ : ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ ଚିକିଲି ଗ୍ରାମରେ ଅଭାବନୀୟ ଘଟଣା । ସ୍କୁଲ ଯାଇଥିବା ସପ୍ତମ ଶ୍ରେଣୀ ଛାତ୍ର ପୋଖରୀରେ ବୁଡ଼ି ମୃତ । ମୃତ ଛାତ୍ର ଜଣଙ୍କ ହେଲେ ରାଜନନ୍ଦନ ସାହୁ । ସେ ଚିକିଲିରେ ଥିବା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ସପ୍ତମ ଶ୍ରେଣୀରେ ପାଠ ପଢ଼ୁଥିଲେ । ତେବେ ରାଜନନ୍ଦନ ସ୍କୁଲ ଯାଇଥିବା ବେଳେ ସ୍କୁଲ ଭିତରୁ କିପରି ପୋଖରୀକୁ ଗଲା ତାକୁ କିଏ ବାହାରକୁ ଛାଡ଼ିଲା ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଏନେଇ ସ୍କୁଲ କତ୍ତୃପକ୍ଷ ମୁହଁ ଖୋଲୁ ନଥିବା ବେଳେ ସ୍କୁଲରେ ରାଜନନ୍ଦନର ବ୍ୟାଗ୍ ରହିଛି । ଖଲ୍ଲିକୋଟ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।