କାମାକ୍ଷାନଗର : ବାର୍ହା ଫାଶରେ ପଡି ଯୁବକ ମୃତ । ଅଳ୍ପକେ ବର୍ତ୍ତିଗଲେ ପରିବାରର ଅନ୍ୟ ୩ ଜଣ ସଦସ୍ୟ । ମୃତକ ପରଜଙ୍ଗ ଥାନା କଙ୍କିଳି ଗାଁର ସନ୍ତୋଷ ପଧାନ ବୋଲି ଜଣାପଡିଛି । ସୂଚନା ଅନୁସାରେ, ଗୁଣ୍ଡିଚାନାଳି ଗାଁରୁ ଚାଲି ଚାଲି ନିଜ ଗାଁ କଙ୍କିଳି ଗାଁକୁ ଯାଉଥିଲେ ସନ୍ତୋଷ ପଧାନ ଏବଂ ତାଙ୍କ ପରିବାର ଲୋକେ । ଗାଁକୁ ଯିବା ରାସ୍ତାରେ ବାର୍ହା ଶିକାର ପାଇଁ ବିଦ୍ୟୁତ ତାର ବିଛା ଯାଇଥିଲା । ବିଦ୍ୟୁତ ତାର ସଂସ୍ପର୍ଶରେ ଆସି ସନ୍ତୋଷ ପ୍ରାଣହରାଇଥିଲେ । ଏହି ଦୁର୍ଘଟଣାରେ ଯୁବକଙ୍କ ପରିବାର ଲୋକେ ଅଳ୍ପକେ ବର୍ତ୍ତି ଯାଇଥିଲେ । ଏହା ଦେଖି ପରିବାର ଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ କାମାକ୍ଷାନଗର ପୋଲିସ ପହଞ୍ଚି ଗୁଣ୍ଡିଚାନାଳୀ ଗାଁରୁ ଯୁବକଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ ଚଳାଇଛି ପୋଲିସ ।