ନୟାଗଡ଼ : ବଜ୍ରାଘାତରେ ୩ ଜଣଙ୍କର ମୃତ୍ୟୁ ହୋଇଛି । ଏପରି ଦୁଃଖଦନୀୟ ଘଟଣା ନୟାଗଡ଼ ଜିଲ୍ଲାର ଶରଣକୁଳରେ ଘଟିଛି । ମୃତକମାନଙ୍କ ମଧ୍ୟରେ ଜଣେ ମହିଳା, ଜଣେ ଯୁବକ ଏବଂ ଅନ୍ୟ ଜଣେ ବୃଦ୍ଧ ରହିଛନ୍ତି । ଖବର ଅନୁସାରେ, ମଙ୍ଗଳବାର ଅପରାହ୍ଣରେ ଏହି ଅଞ୍ଚଳରେ ପ୍ରବଳ ବର୍ଷା ସହ ବଜ୍ରପାତ ହୋଇଥିଲା । ଭାଲିଆଡିହି ଗାଁର ଧନେଶ୍ଵର ପରିଡା ଗାଈ ଚରାଇବାକୁ ଯାଇଥିବା ବେଳେ ବଜ୍ରପାତରେ ତାଙ୍କର ମୃତ୍ୟୁ ହୋଇଛି । ସେହିପରି ମହୁଲିଆ ଗାଁର ଯୁବକ ଜିତେନ୍ଦ୍ର ଦୋରା ଆମ୍ବତୋଟାରେ ଥିବା ବେଳେ ବଜ୍ରଘାତରେ ମୃତ୍ୟୁ ହୋଇଛି । ଜାକେଡା ଗାଁର ମହିଳା ପଦ୍ମା ପ୍ରଧାନଙ୍କର କାଜୁ ତୋଟାରେ ଥିବା ବେଳେ ବଜ୍ରପାତରେ ତାଙ୍କର ପ୍ରାଣହାନୀ ହୋଇଥିବା ଜଣାପଡ଼ିଛି । ତିନି ଜଣଙ୍କ ମୃତଦେହକୁ ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଯାଇଛି ।