ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଲକ ମିଠାପାଲି ଗ୍ରାମ ପଞ୍ଚାୟତ ଡୁଙ୍ଗୁରିପାଲି ଗ୍ରାମରେ ବଡଭାଇଙ୍କ ଲୁହା ତାୱା ମାଡରେ ସାନଭାଇଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ଜଣାପଡିଛି । ମୃତକ ଜଣକ ହେଲେ ମନୋଜ ସୁନା(୨୫) । ସୂଚନା ଅନୁସାରେ ଗତକାଲି ସନ୍ଧ୍ୟାରେ ମନୋଜ ଓ ବଡଭାଇ ଉପେନ୍ଦ୍ର ସୁନାଙ୍କ ମଧ୍ୟରେ କୌଣସି କାରଣରୁ ବଚସା ହୋଇଥିଲା । ସେଥିରେ ଉତ୍ୟକ୍ତ ହୋଇ ଉପେନ୍ଦ୍ର ଲୁହା ତାୱାରେ ମନୋଜଙ୍କ ମୁଣ୍ଡକୁ ଆଘାତ ଦେଇଥିଲା । ଫଳରେ ଘଟଣାସ୍ଥଳରେ ମନୋଜଙ୍କର ମୃତ୍ୟୁ ଘଟିଥିଲେ । ମନୋଜ ପଡି ଯିବା ଦେଖି ଭୟରେ ପାଇକମାଲ ଥାନାରେ ଉପେନ୍ଦ୍ର ଆତ୍ମସମର୍ପଣ କରିଥିଲେ । ଆଜି ଏନେଇ ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଛି ।