ଭଦ୍ରକ : ହାଇୱା ଧକ୍କାରେ ବୃଦ୍ଧଙ୍କର ମୃତ୍ୟୁ ହୋଇଥିବା ଜଣାପଡିଛି । ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ଗେଲପୁର ଛକରେ ବୁଧବାର ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ସୂଚନା ଅନୁଯାୟୀ, ଗ୍ରାମାଞ୍ଚଳ ଥାନା ଅଧିନ ଗେଲପୁର ଛକ ଠାରେ ଆରଡି ଛକ ସାମରାଇପୁର ଆଦିବାସୀ ସାହିରେ ରହୁଥିବା ଜଟିଆ ମୁଣ୍ଡା ଦିନ ମଜୁରିଆ ଭାବେ କାମ କରନ୍ତି । ସେ କାମ କରିବା ପାଇଁ ଘରୁ ଗେଲପୁର ଅଞ୍ଚଳକୁ ଆସୁଥିବା ବେଳେ ଲୋକାଲ ସର୍ଭିସ୍ ରାସ୍ତାରେ ଏକ ହାଇୱା ଟ୍ରକ ଦ୍ରୁତ ବେଗରେ ଆସି ତାଙ୍କୁ ଧକ୍କା ଦେଇଥିଲା । ଫଳରେ ଜଟିଆ ଛିଟିକି ପଡିଥିଲେ । ତାଙ୍କ ଉପରେ ଗାଡି ଚଢିଯିବା ଯୋଗୁଁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । ଖବର ପାଇ ଗ୍ରାମାଞ୍ଚଳ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।