ସଇଁନ୍ତଲା, (କେପିଏନ୍ଏସ୍) : ସଇଁନ୍ତଲା ବ୍ଲକ କାର୍ଯ୍ୟାଳୟ ପରିସରରେ ଆଜି ସ୍ଥାନୀୟ ଅଗ୍ନିଶମ ବିଭାଗ ପକ୍ଷରୁ ମକଡ୍ରିଲ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଘରେ ଗ୍ୟାସ ଯୋଗେ ରୋଷେଇ କରୁଥିବା ବେଳେ ଗ୍ୟାସରେ ନିଆ ଲାଗିଲେ କିପରି ଭାବେ ଆୟତ୍ତ କରିବା, ବିପର୍ଯ୍ୟୟ ପରିସ୍ଥିତିରେ କିପରି ଭାବେ ଲୋକଙ୍କୁ ଉଦ୍ଧାର କରି ଡ଼ାକ୍ତରଖାନା ପହଞ୍ଚାଇବା ଓ ବନ୍ୟା ପରିସ୍ଥିତିରେ କିପରି ଭାବେ ଲୋକଙ୍କୁ ଉଦ୍ଧାର କରିବା ସେ ସମ୍ପର୍କରେ ଲୋକଙ୍କୁ ସଚେତନ କରିଥିଲେ । ଏହି କାର୍ଯ୍ୟକ୍ରମରେ ଅଗ୍ନିଶମ ବିଭାଗ କର୍ମଚାରୀ ଦିବାକର ପଟ୍ଟନାୟକ, ଇନ୍ଦ୍ରଜିତ ଭୋଇ, ସଚିନ ପଟେଲ, ଭାଗିରଥି ମହାରଣା, ସଦାଶିବ ଭୁଏ ଓ କିଶୋର କୁମାର ରାଉତ, ବିଡ଼ିଓ ଚନ୍ଦ୍ରମଣି ନାଗଙ୍କ ସମେତ ବ୍ଲକ କର୍ମଚାରୀ ସୁଧାଂଶୁ ଶେଖର ପଧାନ, ଦେବାଶିଷ ସାହୁ, ଦୁଷ୍ମନ୍ତ ସାହୁ, ଇତିଶ୍ରୀ ଦେହୁରୀ, ସରପଞ୍ଚ ଗଜପତି ସାହୁ, ଖୁଲନା ବାଗ ପ୍ରମୁଖ ଉପସ୍ଥିତ ଥିଲେ ।