ଫୁଲବାଣୀ : ବାଲିଗୁଡା ଥାନା ଅଞ୍ଚଳର ପୋଖରୀବନ୍ଧ ସଂରକ୍ଷିତ ଜଙ୍ଗଲରେ ମଙ୍ଗଳବାର ଏସ୍ଓଜି ଯବାନ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ଏଥିରେ ଜଣେ ମହିଳା ମାଓବାଦୀଙ୍କ ମୃତ୍ୟୁ ଘଟିଛି । ତାଙ୍କର ପରିଚୟ ମିଳି ପାରିନାହିଁ । ଅନ୍ୟପକ୍ଷରେ କୌଣସି ଯବାନ ଆହତ ହୋଇ ନ ଥିବା ଏସ୍ପି ଭିନୀତ ଅଗ୍ରାୱାଲ ସୂଚନା ଦେଇଛନ୍ତି । ମାଓବାଦୀଙ୍କ ପକ୍ଷରୁ ଜଣେ ମହିଳା ନେତୃତ୍ୱ ନେଉଥିବା ଜଣାପଡ଼ିଛି । କ୍ୟାମ୍ପରେ ୨୦ରୁ ଅଧିକ ମାଓବାଦୀ ଥିବା ଅନୁମାନ କରାଯାଉଛି । କୋମ୍ବିଂ ଜୋରଦାର ପାଇଁ ଅଧିକ ଫୋର୍ସ ପଠାଯାଉଥିବା ସୂଚନା ମିଳିଛି ।