ଡୁଙ୍ଗୁରିପାଲି, (ସୁଶିଳ କୁମାର ମିଶ୍ର) : ଓଡ଼ିଶା ସରକାରଙ୍କ ‘ମୋ ସ୍କୁଲ’ ପରିଚାଳନା ସଂଗଠନ ତରଫରୁ ଚଳିତ ବର୍ଷ ରାଜ୍ୟର ବିଭିନ୍ନ ବିଦ୍ୟାଳୟକୁ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ପ୍ରଦାନ କରାଯାଉଛି । ଏହି କ୍ରମରେ ଡୁଙ୍ଗୁରିପାଲି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଶ୍ରେଷ୍ଠ ବିଦ୍ୟାଳୟ ଭାବେ ଆଗଲପୁର ବ୍ଲକରେ ୧ମ ଓ ବଲାଙ୍ଗିର ଜିଲ୍ଲାରେ ୪ର୍ଥ ସ୍ଥାନରେ ରହି ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର ପାଇବା ପାଇଁ ମନୋନୀତ ହୋଇଛି । ଏଠାରେ ସୂଚନାଯୋଗ୍ୟ ଉକ୍ତ ଡୁଙ୍ଗୁରିପାଲି ବିଦ୍ୟାଳୟର ଶିକ୍ଷକ ଯୋଗୀନ୍ଦ୍ର ଦାଶ ଗତ ବ୍ଲକସ୍ତରୀୟ ଗୁରୁଦିବସ କାର୍ଯ୍ୟକ୍ରମରେ ଶ୍ରେଷ୍ଠ ଶିକ୍ଷକ ରୂପେ ସମ୍ମାନିତ ହୋଇଥିଲେ । ଏହି ସଫଳତା ନିମନ୍ତେ ବିଦ୍ୟାଳୟ ପରିଚାଳନା କମିଟି, ଛାତ୍ରଛାତ୍ରୀ, ଅଭିଭାବକ ତଥା ଅଞ୍ଚଳବାସୀଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି ବୋଲି ପ୍ରଧାନଶିକ୍ଷକ ଧିରେନ୍ଦ୍ର କୁମାର ସାହୁ କହିଛନ୍ତି ।