ଓଜେୟୁ ବୌଦ୍ଧ ଶାଖାର ସାଧାରଣ ପରିଷଦ ସଭା ଓ ଜିଲ୍ଲା ସ୍ତରୀୟ କର୍ମକର୍ତ୍ତା ମନୋନୟନ : ସୁକାନ୍ତ ପଟ୍ଟନାୟକ ସଭାପତି, ପ୍ରୀତିରଞ୍ଜନ ଦାସ ସଂପାଦକ

ବୌଦ୍ଧ, (ବଂଶୀଧର ମାଝୀ) : ସାମ୍ବାଦିକ ସର୍ବଦା ନିଜକୁ ସଂଜମତା ଓ ଶାଳୀନତା ରକ୍ଷାକରି କର୍ମ କରିବା ଉଚିତ । ଅତୀତର ଘଟଣାବଳିକୁ ତର୍ଜମା କରି ଓ ବର୍ତ୍ତମାନର ସ୍ଥିତିକୁ ପରଖି ଭବିଷ୍ୟତ ଗଠନ ପାଇଁ କାମ କରିବା ହିଁ ପ୍ରକୃତ ସାମ୍ବାଦିକର ଧର୍ମ ବୋଲି ଓଡିଶା ସାମ୍ବାଦିକ ସଂଘ (ଓଜେୟୁ) ବୌଦ୍ଧ ଶାଖାର ସାଧାରଣ ପରିଷଦ ବୈଠକ ଓ ବନ୍ଧୁ ମିଳନ କାର୍ୟ୍ୟକ୍ରମରେ ରାଜ୍ୟ ସାଧାରଣ ସମ୍ପାଦକ ଶଶିଭୂଷଣ ପ୍ରହରାଜ ମୁଖ୍ୟ ଅତିଥି ଭାବେ ଯୋଗଦେଇ କହିଥିଲେ । ଜିଲା ସଭାପତି ସୁକାନ୍ତ ପଟ୍ଟନାୟକଙ୍କ ସଭାପତିତ୍ୱରେ ପୁରୁଣାକଟକ ସ୍ଥିତ ଭୈରବୀ କଲ୍ୟାଣ ମଣ୍ଡପଠାରେ ରବିବାର ଅନୁଷ୍ଠିତ ହୋଇଥିବା କିର୍ୟ୍ୟକ୍ରମରେ ଶ୍ରୀ ପ୍ରହରାଜ ମୁଖ୍ୟ ଅତିଥି ଏବଂ ରାଜ୍ୟ ସଂଗଠନ ସଂପାଦକ ସଞ୍ଜୀବ ନାୟକ, ରାଜ୍ୟ ଉପସଭାପତି ଶ୍ରୀନିବାସ ରାଓ, ରାଜ୍ୟ ସମ୍ପାଦକ ଦିଲ୍ଲୀପ କୁମାର ମିଶ୍ର, ‘ହୀରାଞ୍ଚଳ’ ସମ୍ପାଦକ ଯୁଗଳ କିଶୋର ସାହୁ, ଉପଦେଷ୍ଟା ଦିବ୍ୟଶଙ୍କର ରାଉତ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ପ୍ରାରମ୍ଭରେ ଭୈରବୀଙ୍କ ଫଟୋଚିତ୍ରରେ ପ୍ରଦୀପ ପ୍ରଜ୍ୱଳନ କରାଯିବା ସହିତ ସଂଘ ପ୍ରତିଷ୍ଠାତା ସ୍ୱର୍ଗତ ପ୍ରଭାତ ଦାଶଙ୍କ ଫଟୋଚିତ୍ରରେ ମାଲ୍ୟାର୍ପଣ କରାଯାଇ ସଭାକାର୍ୟ୍ୟ ଆରମ୍ଭ କରାଯାଇଥିଲା । ସଂଘ ପ୍ରତିଷ୍ଠାତା ସ୍ୱର୍ଗତ ପ୍ରଭାତ ଦାଶ ଓ କରୋନାରେ ପ୍ରାଣ ହରାଇଥିବା ଦିବଂଗତ ସାମ୍ବାଦିକ ମାନଙ୍କ ଅମର ଆତ୍ମାର ସଦଗତି ପାଇଁ ଦୁଇ ମିନିଟ ନୀରବ ପ୍ରର୍ଥନା କରାଯାଇଥିଲା । ଏହି ଅବସରରେ ବୌଦ୍ଧ ଜିଲ୍ଲାରେ ଦୁର୍ନୀତି ବିରୋଧୀ ଆନ୍ଦୋଳନର ନେତୃତ୍ୱ ନେଉଥିବା ଜନଅଧିକାର ସୁରକ୍ଷା ମଞ୍ଚର ଆବାହକ ତଥା ସମାଜସେବୀ ସତ୍ୟଜିତ କୁମାର ପଣ୍ଡାଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା ଏବଂ ସମସ୍ତ ଅତିଥିଙ୍କୁ ମା’ ଭୈରବୀଙ୍କ ଫଟୋଚିତ୍ର ପ୍ରଦାନ କରାଯାଇଥିଲା ।

ଏହାପରେ ଜିଲାସ୍ତରୀୟ କର୍ମକର୍ତ୍ତା ମନୋନୟନ କାର୍ୟ୍ୟକ୍ରମ ଅନୁଷ୍ଠିତ ହୋଇଥିଲା । ଜିଲା ସଂଘ ସଭାପତି ଭାବେ ସୁକାନ୍ତ ପଟ୍ଟନାୟକ ଓ ସମ୍ପାଦକ ଭାବେ ପ୍ରୀତିରଞ୍ଜନ ଦାସ ମନୋନୀତ ହୋଇଥିଲେ । ସେହିପରି ଉପସଭାପତି ଭାଗବତ ମେହେର, ସହ ସମ୍ପାଦକ ବଂଶୀଧର ମାଝୀ, କୋଷାଧ୍ୟକ୍ଷ ଦେବାନନ୍ଦ ସାହୁ, ଉପଦେଷ୍ଟା ଯୁଗଳ କିଶୋର ସାମଲ, ଦିବ୍ୟଶଙ୍କର ରାଉତ, ଚିତ୍ତରଞ୍ଜନନ ସିଂ, କାର୍ୟ୍ୟକାରୀ ସଦସ୍ୟ ସତ୍ୟନାରାୟଣ ପାଣି, ଜୟକୃଷ୍ଣ ମହାରଣା, ପୂର୍ଣ୍ଣଚନ୍ଦ୍ର ସାହୁ, ବାସୁଦେବ ସାହୁ, ସୁଧାଂଶୁ ଶେଖର ମିଶ୍ର, ବିଭୁଦତ୍ତ ବୋଷ, ସଞ୍ଜୀବ ମହାକୁଡ ପ୍ରମୁଖଙ୍କୁ ମନୋନୀତ କରାଯାଇଥିଲା । ସମ୍ପାଦକ ପ୍ରୀତିରଞ୍ଜନ ଦାସ ସଭା ପରିଚାଳନା ଓ ବାର୍ଷିକ ବିବରଣୀ ପଠନ କରିଥିଲେ । ଉପସଭାପତି ଭାଗବତ ମେହେର ଧନ୍ୟବାଦ ଦେଇଥିଲେ ।