କର୍ଲାମୁଣ୍ଡା, (ନରୋତ୍ତମ ସେଲମା) : କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକର ପ୍ରମୁଖ ଗ୍ରାମ ରିଷିିଡା ଗ୍ରାମରେ ମହିଳା ସ୍ଵୟଂସହାୟକ ଗୋଷ୍ଠୀର ସଭ୍ୟାମାନଙ୍କୁ ନେଇ ଏକ ମହିଳା ମହାସଂଘ ଗଠନ କରାଯାଇଛି । ଏହା ରିଷିଡା ଗ୍ରାମ ଉନ୍ନୟନ କମିଟିର ଆବାହନ କ୍ରମେ ଅନୁଷ୍ଠିତ ହୋଇଥିଲା । ଏହା ରିଷିଡା ଗ୍ରାମଉନ୍ନୟନ କମିଟିର ମହିଳା ଶାଖା ଭାବେ କାର୍ଯ୍ୟ କରିବ । ରିଷିଡା ଗ୍ରାମ ଉନ୍ନୟନ କମିଟିର ସଭାପତି ପ୍ରେମାନନ୍ଦ ପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ରିଷିିଡାର ୪୬ଟି ସ୍ଵୟଂସହାୟକ ଗୋଷ୍ଠୀର କର୍ମକର୍ତ୍ତା ଯୋଗଦେଇଥିଲେ । ସେମାନଙ୍କ ମଧ୍ୟରେ କର୍ମକର୍ତ୍ତା ମଧ୍ୟ ଚୟନ କରାଯାଇଥିଲା । ସଭାପତି ଶ୍ରୀ ପାତ୍ର ଗ୍ରାମର ସର୍ବାଙ୍ଗୀନ ବିକାଶରେ ନାରୀମାନଙ୍କ ପ୍ରମୁଖ ଭୂମିକା ଉପରେ ଆଲୋକପାତ କରିଥିଲେ । ଏଥିରେ ସମ୍ପାଦକ ଅନ୍ତର୍ଯ୍ୟାମୀ ସାହୁ, ସରପଞ୍ଚ ସରସ୍ଵତୀ ମାଝୀ, ହିମାଂଶୁ ରଣା, ନନ୍ଦକିଶୋର ରଣା, ପଦ୍ମକିଶୋର ସାହୁ, କିଶୋର ଚନ୍ଦ୍ର ରଣା, ପ୍ରମୋଦ ସାହୁ, ଲଷ୍ମୀପ୍ରସାଦ ସେଠ ପ୍ରମୁଖ ଯୋଗ ଦେଇଥିଲେ । ପ୍ରକାଶ ଥାଉକି ଏହା ପୂର୍ବରୁ ଯୁବକମାନଙ୍କୁ ନେଇ ଯୁବାମଞ୍ଚ ଗଠନ କରାଯାଇଛି ।