ମୁନିଗଡ଼ା, (ରମାକାନ୍ତ ପଡ଼ାଲ୍) : ମାଲବାହୀ ଟ୍ରେନ୍ ଧକ୍କାରେ ଜଣେ ବୃଦ୍ଧା ଗୁରୁତର । ଗୁରୁତର ବୃଦ୍ଧା ଜଣକ ହେଲେ ମୁନିଗୁଡ଼ା ବ୍ଲକ ପାତ୍ରଗୁଡା ପଞ୍ଚାୟତ ଛେଳିଆ ନାଳ ଗ୍ରାମର ରାମ୍ବି ଶିକୋକା ବୟସ ୭୫ । ଏମିତି ଏକ ଅଭାବନୀୟ ଘଟଣା ଘଟିଛି ରାୟଗଡ଼ା ଜିଲ୍ଲା ମୁନିଗୁଡ଼ା ରେଳଷ୍ଟେସନରେ । ସୂଚନା ଯୋଗ୍ୟ ଯେ, ରାୟଗଡ଼ା ଜିଲ୍ଲା ମୁନିଗୁଡ଼ା ରେଳଷ୍ଟେସନ ନିକଟସ୍ଥ ମୁନିଖୋଲ ରେଳ ବିଭାଗ ଫାଟକ ଗେଟର ୩ ନମ୍ବର୍ ଲାଇନରେ ରାମ୍ବି ଶିକୋକା ଛିଡ଼ା ହୋଇଥିବା ବେଳେ ତାଙ୍କୁ ଏକମାଲ ବାହି ଟ୍ରେନ୍ ଧକ୍କା ଦେଇଥିଲା ଫଳରେ ସେ ରେଳ ଧାରଣା ଉପରେ ପଡ଼ିଯିବାରୁ ରାମ୍ବିଙ୍କ ଗୋଟିଏ ହାତକଟି ଯାଇଛି ଓ ମୁଣ୍ଡରେ ଗଭୀର ଆଘାତ ହେବାରୁ ସେ ଗୁରୁତର ହୋଇଥିବା ଜଣାପଡ଼ିଛି । ପରେ ସ୍ଥାନୀୟ ଲୋକ ରାମ୍ବିଙ୍କୁ ଗୋଟିଏ ଅଟୋ ରିକ୍ସାରେ ମୁନିଗୁଡ଼ା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରକୁ ଭର୍ତ୍ତି କରିଥିଲେ । ପରେ ତାଙ୍କ ଅବସ୍ଥା ଅଧିକ ଗୁରୁତର ହେବାରୁ ଡ଼ାକ୍ତର ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିବା ପାଇଁ ପରାମର୍ଶ ଦେଇଥିଲେ ।