ମାହେଶ୍ଵରୀ ସଂଗଠନ କୁଡାସିଂହା ଶାଖାର ଦ୍ଵିତୀୟ ବାର୍ଷିକୋତ୍ସବ : ୯ଜଣ ଦିବ୍ୟାଙ୍ଗଙ୍କୁ ପ୍ରଦାନ କଲେ ହ୍ୱିଲ ଚେୟାର ଓ ଟ୍ରାଇସାଇକେଲ
ଦେଓଗାଁ, (ମନୀଷ କୁମାର ସାହୁ) : ରବିବାର ଦିନ ବଲାଙ୍ଗିର ସଦର ବ୍ଳକ ଅନ୍ତର୍ଗତ କୁଡାସିଂହାରେ ମାହେଶ୍ଵରୀ ସାମାଜିକ ସଂଗଠନର କୁଡ଼ାସିଂହା ଶାଖାର ଦ୍ଵିତୀୟ ବାର୍ଷିକୋତ୍ସବ ଅବସରରେ କୋଭିଡ୍ କଟକଣା ଯୋଗୁଁ ଏକ ସୌଜନ୍ୟମୂଳକ ସଭା ଅନୁଷ୍ଠିତ ହୋଇଥିଲା । ଏହି ଅବସରରେ ୯ଜଣ ଦିବ୍ୟାଙ୍ଗଙ୍କୁ ବଲାଙ୍ଗିର ଏସ୍.ଭି.ନିରତାର୍ ସହାୟତାରେ ହ୍ଵିଲ୍ ଚେୟାର ଓ ଟ୍ରାଇସାଇକଲ ପ୍ରଦାନ କରାଯାଇଥିଲା । ଅନୁଷ୍ଠାନର ପରିଚାଳନା ନିର୍ଦ୍ଦେଶକ ଅଙ୍କୁଶ ପାଣ୍ଡିଆ, ସଭାପତି ସୋଭନ ଅଗ୍ରୱାଲ, କୁଡାସିଂହା ଶାଖା ସଭାପତି ଲୋକନାଥ ପଧାନ, ସଂଯୋଜକ ମନୋଜ ଝାଙ୍କର, ଉପଦେଷ୍ଟା । ସୁରେନ୍ଦ୍ର ନାଥ, ବିଜୟ ସାହୁ, ନାରାୟଣ ନାଥ, ଦିନେଶ ଶର୍ମା, ଡ. ଲଳିତ ସାହୁଙ୍କ ସହ ଶାଖାର ସମସ୍ତ କର୍ମକର୍ତ୍ତା ଏହି ଉତ୍ସବରେ ଉପସ୍ଥିତ ରହି ପରିଚାଳନା ଦାୟିତ୍ଵ ତୁଲାଇଥିଲେ । ଆଗକୁ କୋଭିଡ୍ ପରିସ୍ଥିତି ସୁଧୁରିଲେ ମହୋତ୍ସବ ଆୟୋଜନ କରାଯିବା ନେଇ ସଙ୍ଗଠନ ପକ୍ଷରୁ ସୂଚନା ମିଳିଛି ।