ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହରରେ ବଣ୍ଟାଗଲା ମହାପ୍ରସାଦ । ପରିକ୍ରମା ପ୍ରକଳ୍ପ ରଥ ୱାର୍ଡ଼, ପଞ୍ଚାୟତ ବୁଲି ବୁଲି ଯେଉଁ ଚାଉଳ, ଗୁଆ ସଂଗ୍ରହ କରିଥିଲେ ତାହା ଆଜି ପୁରୀରୁ ମହାପ୍ରଭୁଙ୍କ ପ୍ରସାଦ ହୋଇ ଆସିଛି । ଏ ମହାପ୍ରସାଦ ନିଜ ଘରେ ଥାଇ ଭକ୍ତଙ୍କ ପାଖକୁ ପହଞ୍ଚାଇବା ପାଇଁ ନିଜେ ପୂର୍ବତନ ସାଂସଦ ତଥା ହାଉସିଂ ବୋର୍ଡର ଅଧ୍ୟକ୍ଷ କଳିକେଶ ନାରାୟଣ ସିଂହଦେଓ ନିଜର ଚେଷ୍ଟାରେ ସମ୍ଭବ ହୋଇପାରିଛି । ଜଗା ପାଖକୁ ନଗଲେ ବି ତାଙ୍କର ପ୍ରସାଦ ବଣ୍ଟନ ପାଇଁ ଯେଉଁ ବ୍ୟବସ୍ଥା କରିଛନ୍ତି ତାକୁ ନେଇ ଭକ୍ତ ମହଲରେ ସମସ୍ତେ ଉତ୍ସାହିତ ଅଛନ୍ତି । ଆଜି ସକାଳେ ୱାର୍ଡ଼ ୧୧ ଜଗନ୍ନାଥ ମନ୍ଦିରଠାରୁ ରାଜ୍ୟ ହାଉସିଂ ବୋର୍ଡ ଅଧ୍ୟକ୍ଷ କଳିକେଶ ନାରାୟଣ ସିଂହଦେଓ ମହାପ୍ରସାଦ ବଣ୍ଟନ ଅଭିଯାନର ଶୁଭାରମ୍ଭ କରିଥିଲେ । ତାଙ୍କ ସାଙ୍ଗରେ ଥିଲେ ପୌରଧ୍ୟକ୍ଷ। ଲିକା ସାହୁ, ଜିଲ୍ଲାପରିଷଦ ସଭାପତି ଦେବକୀ ସାହୁ, ଉପ ପୌରଧ୍ୟକ୍ଷା ଗାୟତ୍ରୀ ସାହୁ ଓ ବିଜେଡ଼ିର ସମସ୍ତ କାଉନ୍ସିଲରଙ୍କ ସହିତ ଶହ ମହିଳା, ଭକ୍ତ, ସହରର ବୁଦ୍ଧିଜୀବିମାନେ ସହରର ବିଭିନ୍ନ ୱାର୍ଡ଼ ସାରା ବୁଲି ବୁଲି ମହାପ୍ରସାଦ ଘର ଦୋକାନମାନଙ୍କୁ ବଣ୍ଟନ କରିଥିଲେ । ସେହିପରି ବଲାଙ୍ଗିର ବିଧାୟକଙ୍କ ଘରକୁ ଯାଇଁ ପୂର୍ବତନ ସାଂସଦ ତଥା ହାଉସିଂ ବୋର୍ଡ ଅଧ୍ୟକ୍ଷ ଶ୍ରୀ ସିଂହଦେଓ ବିଧାୟକଙ୍କ ଧର୍ମ ପତ୍ନୀଙ୍କୁ ମହାପ୍ରସାଦ ଦେଇ ଆଶୀର୍ବାଦ ନେଇଥିଲେ । ପରେ ବିଧାୟକଙ୍କ ବଡ ପୁଅଙ୍କୁ ପ୍ରସାଦ ଦେଇଥିଲେ । ମହାପ୍ରସାଦ ପାଇ ବଲାଙ୍ଗିରର ଜନସାଧାରଣ ନିଜକୁ ଧନ୍ୟ ମଣି ଥିଲେ । ଏହି ମହାପ୍ରସାଦ ଜିଲ୍ଲାର ସମସ୍ତ ପଞ୍ଚାୟତ ସହିତ ସହରର ସମସ୍ତ ପଡ଼ାରେ ବଣ୍ଟା ଯିବାର କାର୍ଯ୍ୟକ୍ରମ ରହିଛି ।