ମ.ରାମପୁର, (ପି.କେ. ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ଅଲାତରା ପଞ୍ଚସଖା ଖେଳ ପଡ଼ିଆ ଠାରେ ଚାଲିଥିବା ମାଁ ସୁନାମୁଖୀ କ୍ରିକେଟ ଟୁର୍ଣ୍ଣାମେଣ୍ଟ ବୁଧବାର ଦ୍ୱିତୀୟ ଦିନରେ ୩ ଗୋଟି ମ୍ୟାଚ୍ ହୋଇଯାଇଛି । ପ୍ରଥମ ମ୍ୟାଚ୍ରେ ଅଲାତରା (କ) ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ ୧୦ ଓଭରରେ ୧୫୪ ରନ୍ କରିଥିବା ବେଳେ ପେଞ୍ଜିକୁପା ଦଳ ୬୭ ରନ୍ କରିଥିଲେ । ଫଳରେ ଅଲାତରା ଦଳ ବିଜୟୀ ହୋଇଥିଲା । ଦ୍ୱିତୀୟ ମ୍ୟାଚ୍ ସରଗୁଲ ଦଳ ପ୍ରଥମେ ବ୍ୟାଟିଙ୍ଗ କରି ୧୩୧ ରନ୍ କରିଥିବା ବେଳେ ମଦନପୁର ଦଳ ୧୦୯ କରିଥିଲେ । ଫଳରେ ସରଗୁଲ ଦଳ ବିଜୟୀ ହୋଇଥିଲା । ତୃତୀୟ ମ୍ୟାଚ୍ ଉଭୟ ବିଜୟୀ ଦଳ ମଧ୍ୟରୁ ସରଗୁଲ ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ ୧୦ ଓଭରରେ ୮ ୱିକେଟ ବିନିମୟରେ ୭୧ ରନ୍ କରିଥିଲେ । ଅଲାତରା(କ) ଦଳ ୮.୩ ବଲ ୭ ୱିକେଟରେ ବିଜୟ ଲାଭ କରି ସେମିଫାଇନାଲକୁ ପ୍ରବେଶ କରିଛି । ଆଜିର ମ୍ୟାଚ୍ରେ ସ୍କୋରବୋର୍ଡରେ ସଞ୍ଜୀବ ସାଣ୍ଢ ଓ ରିତିକ ବିଶି ରହିଥିବା ବେଳେ ବିପିନ ତାଣ୍ଡି ଓ ସୁଶାନ୍ତ ବଗର୍ତ୍ତୀ ଧାରାବିବରଣୀ ପ୍ରଦାନ କରିଥିଲେ । ନରେଶ ଦଣ୍ଡିଆ, କର୍ଣ୍ଣ ସୁନା, ସୁଜିତ ସାହୁ ଓ ରିଙ୍କୁ ଦାସ ଖେଳ ପରିଚାଳନା କରିଥିବା ବେଳେ କମିଟିର ସମସ୍ତ ସଦସ୍ୟ ସହାଯ୍ୟ ସହଯୋଗ କରିଥିଲେ । ପ୍ରଥମ ଦିନରେ ବଡ଼ଡୁଙ୍ଗୁରିଗୁଡା ସେମିଫାଇନାଲକୁ ଯାଇଥିବା ବେଳେ ମୁଖ୍ୟ ଅତିଥି ଭାବେ ଯୁବନେତା ଆଶିଷ ଦଣ୍ଡିଆ, ସମ୍ମାନିତ ଅତିଥି ଭାବେ ବିଜ୍ଞାନ ଶିକ୍ଷକ ଅଶୋକ ବିଶ୍ୱାଳ ଓ ଅଲାତରା ନାଏବ ସରପଞ୍ଚ ନରେଶ ଦଣ୍ଡିଆ ଉପସ୍ଥିତ ରହି ଖେଳାଳୀ ମାନକୁ ଉତ୍ସାହିତ କରିଥିଲେ ।