ବିଳମ୍ବିତ ରାତିରେ ଘର କବାଟ ଭାଙ୍ଗି ସଶସ୍ତ୍ର ଲୁଟ୍ ଅଭିଯୋଗ : ୧ ଲକ୍ଷ ୮୦ ହଜାର ଟଙ୍କା, ସୁନା ଓ ମୋବାଇଲ୍ ଲୁଟିନେଲେ ଲୁଟେରା

ଆନନ୍ଦପୁର : କେନ୍ଦୁଝର ଜିଲ୍ଲା ଘଷିପୁରା ଥାନା ବାରିଗାଁରେ ଗୁରୁବାର ବିଳମ୍ଵିତ ରାତିରେ ଲୁଟ୍ ହୋଇଥିବା ଅଭିଯୋଗ ହୋଇଛି । ଅଭିଯୋଗ ଅନୁସାରେ ଲୁଟେରାମାନେ ଗାଁର ଗୋଲକ ପାଢୀଙ୍କ ଘର କବାଟ ଭାଙ୍ଗି ଘର ଭିତରକୁ ପଶି ଆସିଥିଲେ । ଏହାପରେ ଲୁହାରଡ ଓ ଭୁଜାଲିରେ ଅତର୍କିତ ଭାବରେ ଆକ୍ରମଣ କରିଥିଲେ । ଲୁଟେରାଙ୍କ ଆକ୍ରମଣରେ ଗୋଲକ ପାଢୀ, ତାଙ୍କର ପତ୍ନ ଏବଂ ଝିଅ ପ୍ରୀତିମୟୀ ଗୁରୁତର ଆହତ ହୋଇଛନ୍ତି । ଲୁଟେରାମାନେ ଗୋଲକଙ୍କ ଘରୁ ନଗଦ ୧ ଲକ୍ଷ ୮୦ ହଜାର ଟଙ୍କା, ସୁନା ଓ ୨ଟି ମୋବାଇଲ୍ ଲୁଟି ନେଇଛନ୍ତି । ତେବେ ପାଖ ପଡୋଶୀଙ୍କ ସହାୟତାରେ ସମସ୍ତ ଆହତ ଆନନ୍ଦପୁର ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଘଟଣା ପରେ ଖବରପାଇ ପେଲିସ୍ ଘଟଣାସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଛି ।