ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଲାୟନ୍ସ ବ୍ଲକ ତରଫରୁ ଆଜି ମୁକ୍ତିରଥ ଶୁଭାରମ୍ଭ ହୋଇଯାଇଛି । ପଦ୍ମପୁର ଉପଖଣ୍ଡ ଚିକିତ୍ସାଳୟରୁ ପ୍ରଥମ କରି ଲାୟନ୍ସ କ୍ଲବର ସଭ୍ୟ ମାନଙ୍କ ଉପସ୍ଥିତିରେ ପଦ୍ମପୁରରୁ ଶରଧାପାଲି ଗାଇସିଲେଟକୁ ମୁକ୍ତିରଥ ସେବା ଯୋଗାଇ ଦିଆଯାଇଛି । ଏହି ଦିନ ମୁକ୍ତିରଥର ଡ୍ରାଇଭର ଅନୁପସ୍ଥିତ ଥିବା ସତ୍ୱେ ଲାୟନ୍ସ ସୌମ୍ୟଜିତ ପାଢୀ ଓ ଲାୟନ୍ସ ଶାଶ୍ଵତ ଦାଶ ଶବ ନେଇ ପଦ୍ମପୁରରୁ ଶରଧାପାଲିକୁ ଯାଇଥିଲେ । ପଦ୍ମପୁର ଲାୟନ୍ସ କ୍ଲବର ସଭାପତି ପ୍ରୀତମ ମେହେର, ସର୍ଦାର ପୁରୋହିତଙ୍କ ସମେତ ଅନ୍ୟ କାର୍ଯ୍ୟକର୍ତ୍ତା ଉପସ୍ଥିତ ଥିଲେ । ଲାୟନ୍ସ କ୍ଲବ ତରଫରୁ ଏହି ଜନାଭିମୁଖୀ କାର୍ଯ୍ୟକ୍ରମ ଆରମ୍ଭ ହୋଇଥିବାରୁ ଗରିବ ଖଟିଖିଆ ଲୋକ ସହ ଅସହାୟ ବ୍ୟକ୍ତି ଏହାର ଲାଭ ପାଇବେ । ଅଞ୍ଚଳର ଜନସାଧାରଣଙ୍କୁ ଏହାର ସୁଫଳ ନେବାପାଇଁ ପଦ୍ମପୁର ଲାୟନ୍ସ କ୍ଲବ ସଭାପତି ପ୍ରୀତମ ମେହେର ଆହ୍ୱାନ କରିଛନ୍ତି ।