କଟକ : ହୋମଗାର୍ଡ ପଦବୀ ପାଇଁ ବିଜ୍ଞାପନ ପରେ ହୋମଗାର୍ଡ କମାଣ୍ଡାଣ୍ଟଙ୍କ କାର୍ଯ୍ୟାଳୟରେ ଆଶାୟୀଙ୍କ ଭିଡ଼ । ଚାକିରି ପାଇଁ ନାଁ ପଞ୍ଜୀକରଣ ପାଇଁ ଲାଗିଛି ଯୁବକ, ଯୁବତୀଙ୍କ ଲମ୍ବା ଧାଡ଼ି । ଏଭଳି ଦୃଶ୍ୟ ଦେଖିବାକୁ ମିଳିଛି କଟକ ସ୍ଥିତ ହୋମଗାର୍ଡ କମାଣ୍ଡାଣ୍ଟଙ୍କ କାର୍ଯ୍ୟାଳୟରେ । ସୂଚନା ଅନୁସାରେ କଟକରେ ୧୧୨ ହୋମଗାର୍ଡ ପଦବୀ ପାଇଁ ବିଜ୍ଞାପନ ପ୍ରକାଶ ପାଇଥିଲା । ଆଉ ବିଜ୍ଞାପନ ପରେ ଶହ ଶହ ସଂଖ୍ୟାରେ ଆଶାୟୀ ଆବେଦନ ପାଇଁ କାର୍ଯ୍ୟାଳୟ ସମ୍ମୁଖରେ ଭିଡ଼ ଜମାଇଛନ୍ତି । ବଡ଼ କଥା ହେଲା ହୋମଗାର୍ଡ ଚାକିରି ପାଇଁ ସର୍ବନିମ୍ନ ଯୋଗ୍ୟତା ମାଟ୍ରିକ ଥିବାବେଳେ, ଅଧିକାଂଶ ସ୍ନାତ୍ତକ, ସ୍ନାତକୋତ୍ତର, ଇଞ୍ଜିନିୟରିଂ ଡିପ୍ଲୋମା ଓ କମ୍ପ୍ୟୁଟର ସାଇନ୍ସ ପାସ୍ କରିଥିବା ଯୁବକ, ଯୁବତୀ ଆବେଦନ କରୁଥିବା ଦେଖିବାକୁ ମିଳିଛି ।