ବୌଦ୍ଧ, (ମମତା ମହାକୁର) : ବୌଦ୍ଧ ଜିଲ୍ଲା କଣ୍ଟାମାଲ ବ୍ଲକ ଗୋବଜୋର ହାଇସ୍କୁଲର ଖେଳ ଶିକ୍ଷକ ବିରବଲ ଭୋଇଙ୍କ ଆଜି ସକାଳେ ବିୟୋଗ ହୋଇ ଯାଇଛି । ଶ୍ରୀ ଭୋଇ ବରପାଲି ସ୍ଥିତ ଶଶୁର ଘରେ ରହୁଥଲେ । ତାଙ୍କୁ ଖାସ ଓ ଥଣ୍ଡା ହେଉଥିଲା । ସେ କୋଭିଡ ଟେଷ୍ଟ କଲାପରେ ପଜେଟିଭ୍ ଆସିଥିଲା । ତେବେ ତାଙ୍କ ଅବସ୍ଥା ଗୁରୁତର ହେବାରୁ ବରଗଡ଼ କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିଲା । ମୃତ୍ୟୁ ବେଳକୁ ତାଙ୍କୁ ୫୩ ବର୍ଷ ବୟସ ହୋଇଥିଲା । ତାଙ୍କ ବିୟୋଗ ଖବର ପାଇଲା ପରେ କଣ୍ଟାମାଲ ଅଞ୍ଚଳର ଶିକ୍ଷକ ମହଲ ଓ ଗୋବଜୋରରେ ମଧ୍ୟ ଶୋକର ଛାୟା ଖେଳି ଯାଇଛି । ଶ୍ରୀ ଭୋଇ ଜଣେ ମେଲାପି ଓ ମିଷ୍ଟଭାସି ଶିକ୍ଷକ ଭାବେ ଅଂଚଳରେ ବେଶ ପରିଚିତ ଥିଲେ ।