
ବଲାଙ୍ଗିର, (କେପିଏନ୍ଏସ୍) : ସମଗ୍ର ଶିକ୍ଷା ଓଡିଶା ଦ୍ୱାରା ପ୍ରାରମ୍ଭ କରାଯାଇଥିବା ଆମ ସଂସ୍କୃତି ଆମ ଖେଳନା ଏବଂ ଯୁବ ଓ ଇକୋ କ୍ଲବ୍ ମାଧ୍ୟମରେ ଜରାସିଂହା ସରକାରୀ ଧନ୍ଦାମୂଳକ ଉଚ୍ଚ ମାଧ୍ୟମିକ ବିଦ୍ୟାଳୟରେ ବିଭିନ୍ନ କାର୍ଯ୍ୟକ୍ରମ ଅୟୋଜିତ ହୋଇଯାଇଛି । ଅଧ୍ୟକ୍ଷ ବସନ୍ତ କୁମାର ମନହିରାଙ୍କ ସଭାପତିତ୍ୱରେ ଖେଳନା, ସଂସ୍କୃତି ଓ ପାଠ୍ୟକ୍ରମ, ପ୍ଲାଷ୍ଟିକର ଅପବ୍ୟବହାର, ପରିବେଶ ସନ୍ତୁଳନ, ବିଜ୍ଞାନ ସମ୍ମତ ଚିନ୍ତାଧାରାର ବିକାଶ ଆଦି ବିଷୟରେ ଆଲୋଚନା ହୋଇଯାଇଛି । ଚଳିତ ବର୍ଷ ପରୀକ୍ଷାରେ କୃତୀତ୍ୱ ପ୍ରଦର୍ଶନ କରିଥିବା ଛାତ୍ରଛାତ୍ରୀ ନିହାରିକା ମହାକୁର, ସ୍ମୃତି ସେଲମା, ପୂଜା ସିଂ ଚିନ୍ଦା, ଥବିର ସାହୁ, ଗୀତା ପଥ୍ରୀମାଲି, ଶ୍ରଦ୍ଧାମୟୀ ସେଟ, ବୈଷ୍ଣବୀ ଜଟି, ସୁରେନ୍ଦ୍ର ନନ୍ଦ ଏବଂ ସୁମିତ ରଣାଙ୍କୁ ପୁରସ୍କାର ଓ ପ୍ରମାଣପତ୍ର ଦେଇ ସମ୍ବର୍ଦ୍ଧିତ କରାଯାଇଛି । ଛାତ୍ରଛାତ୍ରୀଙ୍କ ସୃଜନଶୀଳତାର ବିକାଶ ପାଇଁ ଏକ ପ୍ରାଚୀରପତ୍ର ମଧ୍ୟ ପ୍ରକାଶ ପାଇଛି । କାର୍ଯ୍ୟକ୍ରମରେ ପ୍ରାଧ୍ୟାପକ ଗୋବିନ୍ଦ ମେହେର, ଧୋବାଇ ଚରଣ ପଟେଲ, ଡଃ. ରଞନ କୁମାର ପାଣିଗ୍ରାହୀ, ଦୁର୍ବାଦଳ ଘିବେଲା, ଅଧ୍ୟାପିକା ଶୁଭଶ୍ରୀ ସାହୁ, ଜ୍ୟୋତି ଶର୍ମା, ସମସ୍ତ ଛାତ୍ରଛାତ୍ରୀ ଓ କର୍ମଚାରୀ ସହଯୋଗ କରିଛନ୍ତି ।