ଟିଟିଲାଗଡ଼, (ସଞ୍ଜୟ କୁମାର ନାୟକ) : ଗତକାଲି ବିଶେଷ ସୂତ୍ରରୁ ଟିଟିଲାଗଡ ବନ୍ୟାଚଳ ଅଧିକାରୀ ଖବର ପାଇଥିଲେ ଯେ, ବର୍ଣେଇ ଜଙ୍ଗଲରୁ କେନ୍ଦୁ କାଠ କଟା ହେଉଛି ପରେ ବନ ବିଭାଗ ଷ୍ଟାଫମାନେ ବାଙ୍କେଲ ଗ୍ରାମ୍ୟ ପାଖ ବର୍ଣ୍ଣେଇ ଜଙ୍ଗଲକୁ ଯାଇ ଦେଖିଥିଲେ ୩ ଜଣ ଲୋକ କେନ୍ଦୁ ଗଛ କାଟୁଛନ୍ତି ଏବଂ କାଟୁଥିବା ଚୋରମାନେ ବନ ବିଭାଗ ଷ୍ଟାଫଙ୍କୁ ଦେଖି ଦୌଡ଼ି ପଳାଇଥିଲେ । ସେମାନଙ୍କ ମଧ୍ୟରୁ ଜଣେ ଅଭିଯୁକ୍ତକୁ ବନ ବିଭାଗ ଧରି ତାକୁ ଆଜି ଓଡ଼ିଶା ଜଙ୍ଗଲ ଆଇନ୍ ଦ୍ଵାରା ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ଜଣକ ହେଲେ ବାଙ୍କେଲ ଗ୍ରାମର ଗଙ୍ଗାରାମ ଭୋଇ । ଗଙ୍ଗାରାମ ଏକ ବଡ଼ ରାକେଟ କେନ୍ଦୁ ଗଣ୍ଡି ଚୋର ଚାଲାଣରେ ସମ୍ପୃକ୍ତ ଅଛନ୍ତି । କେନ୍ଦୁ ଗଣ୍ଡୀ ସବୁ ବଲାଙ୍ଗିରରୁ କଣ୍ଟାବାଞ୍ଜି ଦେଇ ରାଜ୍ୟ ବାହାରକୁ ଯାଉଛି । ଟିଟିଲାଗଡ ରେଞ୍ଜରେ କେସ ପଞ୍ଜୀକୃତ କରି ଆଗକୁ ଅନୁସନ୍ଧାନ ଜାରି ରହିଛି ବୋଲି ସଚ୍ଚିଦାନନ୍ଦ ସୁବୁଦ୍ଧି, ରେଞ୍ଜ ଅଧିକାରୀ ସୂଚନା ଦେଇଛନ୍ତି ।
