ରାଉରକେଲା, (ସସ୍ମିତା ପ୍ରଧାନ) : ରାଉରକେଲା ସହରର ସରୋବର ରେସ୍ତୋରାଁରେ ରାଉରକେଲା ଫୋଟୋଗ୍ରାଫର୍ସ ଆସୋସିଏସନ୍ ପକ୍ଷରୁ ଏକ କର୍ମଶାଳା ଆୟୋଜିତ ହୋଇଯାଇଛି । ଏଥିରେ ରାଉରକେଲା ଫୋଟୋଗ୍ରାଫର୍ସ ଆସୋସିଏସନ୍ର ବିଭିନ୍ନ ବର୍ଗର ସଦସ୍ୟମାନେ ଯୋଗଦେଇ ବିଭିନ୍ନ ଅତ୍ୟାଧୁନିକ କ୍ୟାମେରା ପରିଚାଳନା ସମ୍ପର୍କୀତ ବିଭିନ୍ନ ବୈଷୟିକ ଦିଗ ଉପରେ ଆଲୋଚନା କରାଯାଇ ବିଶେଷଜ୍ଞଙ୍କ ଦ୍ୱାରା ଆବଶ୍ୟକ ପରାମର୍ଶ ଦିଆଯାଇଥିଲା । ଏହା ସହିତ ଚଳିତ ମାସ, ୧୭, ୧୮ ଓ ୧୯ ତାରିଖ ତିନିଦିନ ଧରି ଭୁବନେଶ୍ୱରରେ ହେବାକୁ ଥିବା ରାଜ୍ୟସ୍ତରୀୟ ଫୋଟୋ ଫେୟାରର ପୋଷ୍ଟର ଉନ୍ମୋଚନ ହୋଇଥିଲା । ଆସୋସିଏସନ୍ର ସଭାପତି ଅତୁଲ ସାଂଘଭିଙ୍କ ନେତୃତ୍ବରେ ହୋଇଥିବା ଏହି କାର୍ଯ୍ୟକ୍ରମରେ ଆସୋସିଏସନ୍ର ଶତାଧିକ ସଦସ୍ୟ ଯୋଗ ଦେଇଥିଲେ ।