ସଇଁତଲା, (କେପିଏନ୍ଏସ୍) : ଦାଦନ ରୋକିବା ତଥା ବେକାର ସମସ୍ୟା ଦୂର କରିବାକୁ ସଇଁତଲା ବ୍ଲକ ବୁଢାବାହାଲ ପଞ୍ଚାୟତ ଅଫିସରେ ଏମ୍ଏସ୍ଏମ୍ଇ ତରଫରୁ ପ୍ରଧାନମନ୍ତ୍ରୀ ସୃଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ବିଡିଓ ଚନ୍ଦ୍ରମଣି ନାଗ ମୁଖ୍ୟ ଅତିଥି, ଏସ୍ବିଆଇ ମ୍ୟାନେଜର ଯୋଗେନ୍ଦ୍ର ସାଗରିଆ, ୟୁନିୟନ ବ୍ୟାଙ୍କ ମ୍ୟାନେଜର ସୁଧୀର ସ୍ୱାଇଁ, ଶିଳ୍ପ ଓ ବିକାଶ ଅଧିକାରୀ ମାନସ ରଂଜନ ସାହୁ, ନିରଞ୍ଜନ ପାଣିଗ୍ରାହୀ, କାର୍ତ୍ତିକେଶ୍ୱର ନାଏକ, ପ୍ରଶାନ୍ତ ବେହେରା, ପଞ୍ଚାୟତ ଇଓ ରୁଦ୍ରଧର ବାଗ, ସମିତି ସଭ୍ୟ ମଦନ ନାଗ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ପଞ୍ଚାୟତ ଅଂଚଳର ଶତାଧିକ ଯୁବକ, ଯୁବତୀଙ୍କ ସହ ଜନସାଧାରଣ ସାମିଲ ହୋଇଥିଲେ ।