ଫୁଲବାଣୀ : କନ୍ଧମାଳ ଜିଲ୍ଲା ପାରମ୍ପାରିକ ଲୋକକଳା ସଂଘ ଫିରିଙ୍ଗିଆ ବ୍ଲକ ଶାଖାର କାର୍ଯ୍ୟାଳୟ ନିର୍ମାଣ ପାଇଁ ଭୂମିପୂଜା କାର୍ଯ୍ୟକ୍ରମ ଆଜି ଫିରିଙ୍ଗିଆ ଶାଖାର ସଭାପତି ଅଚ୍ୟୁତ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମରେ ଜିଲ୍ଲା ଉପସଭାପତି ଅକ୍ଷୟ କୁମାର କର୍ଣ୍ଣ, କଳାକାର ସଙ୍ଘ ଫିରିଙ୍ଗିଆ ଶାଖାର ଉପଦେଷ୍ଟା ସୁବ୍ରତ କୁମାର ମହାନ୍ତି, ବରିଷ୍ଠ କଳାକାର ସଞ୍ଜୟ କୁମାର ଦିଗାଲ, ବରିଷ୍ଠ କୀର୍ତ୍ତନ ଗୁରୁ ବନମାଳି ଦିଗାଲ, ଫିରିଙ୍ଗିଆ ଶାଖା ସମ୍ପାଦକ ପ୍ରଭାତ କୁମାର ବେହେରା, କୋଷାଧ୍ୟକ୍ଷ ଇନ୍ଦ୍ରମଣି କହଁର, ରୋହିତ କହଁର, ଲାଣ୍ଡୁ କହଁର, ଜୟ ସାହାଣୀ, ଦୁଃଶାସନ ଦିଗାଲ, ଟପୁଆ ଦିଗାଲ, ଟ୍ରାବା କହଁର ପ୍ରମୁଖ ବହୁ କଳାକାର ଉପସ୍ଥିତ ଥିଲେ । ଜିଲ୍ଲାରେ ପ୍ରଥମେ ଫିରିଙ୍ଗିଆ ବ୍ଲକରେ କଳାକାରମାନଙ୍କ ପାଇଁ ବ୍ଲକ ପ୍ରଶାସନ ତରଫରୁ ବର୍ଷ ବର୍ଷ ଧରି କଳା ପ୍ରଦର୍ଶନ କରିଆସୁଥିବା କଳାକାରମାନଙ୍କ ପାଇଁ ଏକ କାର୍ଯ୍ୟାଳୟ ନିର୍ମାଣ ପାଇଁ ଅନୁମତି ଦେବା ସହ ଜମି ଯୋଗାଇ ଦିଆଯାଇପାରିଛି । ଏହି ଅବସରରେ ବ୍ଲକର କଳାକାରମାନେ ଫିରିଙ୍ଗିଆ ବଡିଓଙ୍କ ସହ ବ୍ଲକରେ କାର୍ଯ୍ୟରତ ତହସିଲଦାର ତପନ ମଲ୍ଲିକଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।