ଦେଓଗାଁ, (ମନୀଷ କୁମାର ସାହୁ) : ବଲାଙ୍ଗିର ସଦର ବ୍ଲକ ଅନ୍ତର୍ଗତ କୁଡାସିଂହା ପଞ୍ଚାୟତଠାରେ ସ୍ୱଚ୍ଛ ଭାରତ ମିଶନର ଦ୍ଵିତୀୟ ପର୍ଯ୍ୟାୟ ବ୍ଲକର ଏବିଡିଓ ରାମଦତ୍ତ ଭୋଇଙ୍କ ଦ୍ଵାରା ଶୁଭାରମ୍ଭ ହୋଇଯାଇଛି । ଏହି କାର୍ଯ୍ୟକ୍ରମରେ ଜିପିଓ ଉପେନ୍ଦ୍ର ରଣା, ଓଏଲ୍ଏମ୍ର ଧନଞ୍ଜୟ ପାଣିଗ୍ରାହୀ, ସରପଞ୍ଚ ଶ୍ରୀମତୀ ଜ୍ୟୋସ୍ନାରାଣୀ ସାହୁ, ସମିତି ସଭ୍ୟା ଶ୍ରୀମତୀ କାମିନୀ ପୁଟେଲ, ନାଏବ ସରପଞ୍ଚ ଜିତୁ ସାହୁଙ୍କ ସହ ପଞ୍ଚାୟତର ୱାର୍ଡ ସଭ୍ୟ ସଭ୍ୟା ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମକୁ ଯୁବ ସମାଜସେବୀ ଅମିର ସାହୁ ଓ ନରେନ୍ଦ୍ର ପାତ୍ର ପରିଚାଳନା କରିଥିଲେ । ଗ୍ରାମ ପଞ୍ଚାୟତସ୍ତରୀୟ ସଂଘ କୁଡାସିଂହାର ସଦସ୍ୟମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।